मेचीनगर लेडि जेसीजको अध्यक्षमा शुशिला

स्थानीय

गृहपृष्ठ
स्थानीय

मेचीनगर लेडि जेसीजको अध्यक्षमा शुशिला

ज्ञानेन्द्र निरौला शनिबार, मंसिर २०, २०७७

मेचीनगर लडि जेसीजकी नवनिर्वाचित अध्यक्ष शुशिला खतिवडा ।

धुलाबारी, मंसिर २० ।
मेचीनगर लेडि जेसीजको सन २०२१ को अध्यक्षमा शुशिला खतिवडा चयन हुनु भएको छ । आज सम्पन्न लेडि जेसीजको सातौं साधारण सभाले अध्यक्षमा खतिवडा सहित कार्यकारीणी उपाध्यक्षमा अनिता खनाल गुरागाइ र सुभद्रा नेपाललाई सर्बसम्मत रुपमा चयन गरेको निर्वाचन अधिकृत मञ्जु भण्डारी खनालले बताउनु भयो ।

आजको साधारण सभाले चार जना उपाध्यक्ष समेत चयन गरेको छ । उपाध्यक्षहरुमा बबिता प्रसाई, अनु कटुवाल, अनिता दाहाल र शर्मिला घिमिरे थापा सर्बसम्मत रुपमा चयन हुनु भएको निर्वाचन अधिकृत खनालले जानकारी दिनु भयो ।

मेचीनगर लेडि जेसीजका नवनिर्वाचित पदाधिकारी ।

जेसीजको बिधान अनुसार महासचिव, सहसचिव, कोषाध्यक्ष र तालिम संयोजक सहित अन्य पदहरु पदहस्तान्तरण कार्यक्रममा नवनिर्वाचित अध्यक्षले मनोनयन गर्ने ब्यवस्था रहेको मेचीनगर लेडि जेसीजकी पुर्व अध्यक्ष समेत रहनु भएका निर्वाचन अधिकृत खनालले बताउनु भयो ।

मेचीनगर लेडि जेसीजको सचिवालय मेचीनगर १० मा अध्यक्ष तुलशा दंगालको सभापतित्व तथा महासचिव शुशिला खतिवडाको सञ्चालनमा साधारण सभा सम्पन्न भएको थियो ।

प्रकाशित मिति: शनिबार, मंसिर २०, २०७७ १९:१०