जबरजस्ती करणीका आरोपी खड्का १७ महिना पछि थुनामा

स्थानीय

गृहपृष्ठ
स्थानीय

जबरजस्ती करणीका आरोपी खड्का १७ महिना पछि थुनामा

ज्ञानेन्द्र निरौला मंगलबार, मंसिर १६, २०७७

धुलाबारी, मंसिर १६ ।
स्थानीय १७ बर्षिया किशोरीलाइ जबरजस्ती करणी गरेको आरोप लागेका झापा मेचीनगर ९ का बिष्णु खड्कालाई जिल्ला अदालत झापाले पुर्पक्षका लागि थुनामा राखेको छ ।

२०७६ असारमा जबरजस्ती करणी गरेको आरोप लागेसंगै फरार रहेका खड्का १७ महिना पछि २०७७ मंसिर १२ गते झापा जिल्ला अदालतमा आफैं हाजिर भए पछि पुर्पक्षका लागि थुनामा राख्न आदेश दिएको अदालत स्रोतले जनाएको छ ।

खड्काले आफुलाई जबरजस्ती करणी गरेको भन्दै १७ बर्षिया किशोरीले इलाका प्रहरी कार्यालय धुलाबारीमा २०७६ असार ३ गते उजुरी दिए पछि फरार रहेका खड्का बिरुद्ध २०७७ बैशाख २८ गते सरकारी वकिल मार्फत जिल्ला अदालत झापामा अभियोग पत्र दर्ता भएको थियो । २०७७ बैशाख २९ गते अदालतबाट ५५ बर्षिय खड्का बिरुद्ध पक्राउ पुर्जी (वारेन्ट) जारी भएको जिल्ला प्रहरी कार्यालय झापाले जनाएको छ ।

खड्का बिरुद्ध प्रहरीमा उजुरी दिए पछि पिडित किशोरीको परिवार भाडामा बसेको घर खाली गराउन स्थानीयबासी देखि वडा कार्यालय समेत खुलेरै लागेको थियो । मेचीनगर ९ को वडा कार्यालयले पिडित किशोरीको परिवार भाडामा बसेको घर खाली गर्न पत्राचार नै गरेको थियो । त्यस्तै स्थानीय अगुवाहरुले मुद्धा फिर्ता लिन पटक पटक दबाब दिने गरेको समेत पिडित किशोरीले बताउँदै आउनु भएको छ ।

बलात्कार तथा यौनजन्य अपराधका घट्नाका पिडितलाई संरक्षण गर्न र दोषीलाई कडा कारवाहीका लागि सरकारले केही दिन अघि मात्रै भएको ब्यवस्थालाई संसोधन गरेर कानूनलाई केही कडा समेत बनाएको छ । संसोधीत कानून अनुसार यौनजन्य अपराधका घट्ना लुकाउन अनुचित दबाब दिने र मेलमिलाप गराउनेलाई समेत सजायको ब्यवस्था गरेको छ ।

प्रकाशित मिति: मंगलबार, मंसिर १६, २०७७ १७:४२