अधिकांस नेपालीहरु बाट व्यक्त गरिन्छ कि,
‘हरियो बन नेपालको धन’ ‘कृषिप्रधान देश नेपाल’ ‘हिमाल, पहाड, तराई, विविधभुगोलको देश’ ‘सर्वोच्च शिखर सगरमाथाको देश’ ‘विर गर्खालीको देश नेपाल’ ‘बौद्ध भूमि–बुद्ध जन्मिएको देश’ ‘बैदिकसंस्कार र संकृतिबोकेको देश नेपाल’ ‘पशुपतिनाथको कृपा रहेको देश नेपाल’
चार जात छत्तिस वर्णलै सजिएको नेपालका नेपालीहरु– अव के चाहन्छन् ? वर्तमान सरकारले गंभीर रुपले सोच्नु पर्ने बेला आएको छ । विकासलाई कसरी अगाडि बढाउने । गहिरो सोच विचार दुरदर्शी योजना, जसलाइ कुनै कालखण्डमा विपी कोइराला र मनमोहन अधिकारीहरुले अगाडी सारेका थिए । तर सोच मात्रले नहुने रहेछ ।
अबका योजना, कार्यक्रम,आदि देश विकाससंग लक्षीत हुनु पर्ने हो तर व्यक्ति विकास मात्र भएको छ । मेरो प्रश्न छ, देश विकासको योजनाको नेपाली दाजुभाई दिदीबहिनीहरुले आर्थिक रुपले विपन्न भएका देशका युवा पुस्ताहरुलाई रोजगारी श्रृजना गराउने योजना हो ?
हरियो वन संरक्षण गर्दै जोगाएर राख्ने र वैज्ञानिक तरिकाले व्यवस्थापन गरी अर्थोपार्जन गर्ने योजना कार्यक्रम बनाउने र युवापुस्ताको स्वरोजगारको योजना तर्जुमा कागजमा मात्र होइन् जनताले अनुभूत गर्न सक्ने गरि योजना तर्जुमा गरिनु पर्दछ । नेपाल सरकारले ल्याएको कार्यक्रमा हामी नेपाली जनाता आँफै काम गर्न पाए आहा कति सुन्दर अनि राम्रो हुने थियो । विकास प्रेमी दाजुभाई दिदीबहिनीहरु कति खुशी हुदै इमान्दारका साथ काम गर्नु हुन्थो होला । उनीहरुमा खाडि मुलुकमा जाने सोच आँउदैन थियो होला । आफ्ना घरमा आमा, बुबा, छोरा छोरी, श्रीमतीसँगै बस्ने मन कुन नेपालीको हुदैन होला र यसवारेमा सरकारले सोचेको छ ?
अनि हामी कुरा गर्दछौं ठूलठूला एमसीसी जस्ता योजना, खै जनताले विश्वास गरेको, जनातालाई डर छ भोली नेपाल नै नरहने हो कि भनेर तर, हामी ठूला कुरा मात्र गरिरहेका छौं । आज आम नेपालीहरुको दिन दैनिकी कष्टकर बन्दै गर्दा तत्काल जनताको दैनिकी सहज हुने योजना अगाडी सार्नु सरकारको पहिलो कर्तब्य हुन्छ ।
जल, जमिन, ऐतिहासिक सम्पदा, हिमाल, पहाड, तराई, डाँडा काँडा,सर्वौच्च शिखर सगरमाथा, अनिबौद्ध भूमी, बुद्ध जन्मिएको देश, वैदिक संस्कार र संस्कृतिको आर्शिवाद प्राप्त गरेको देशलाई डलर भित्राउने योजना, कार्यक्रम किन बनाउन नसक्ने सरकार ? प्रकृतिले वरदान दिएको देश स्वर्ग भूमी किन हामी यसलाई अपनत्व ठानेर विकासको योजना, पर्यटक भित्र्याउने योजना किन नबनाउने । आफै आउँछ डलर ? नेपालीहरुका लागी काम अनि दाम पनि पाउने अवस्था बन्ने तर्फ योजना किन नबनाउने ? नेपाली युवालाई विदेश नै जानु पर्छ भन्ने छाप किन पार्दैछौ सरकार ?
किन जाने विदेश ? लाश भएर आउनलाई ? किन शरिरका अंगलाई पैसामा साट्नलाई ?आफ्नो गाँउ आफै वनाउ भन्ने मुल मंत्रलाई आत्मसात गर्दै युवाहरुलाई स्वदेशमै रोजगारीको अवसर दिनु पर्दछ ।
वैदिक संस्कार र संस्कृति बोकेको देश अनि आफैमा जैविक (organic) भएको देश आज आएर organic पाठ पढाउनु पर्ने अवस्थामा पुगेको छ । विश्वले हामीबाट सिकेको जैविक कृषि आज हामी आफैं जैविक कृषिको सिकाइमा दैनिक रुपमा कमजोर हुँदै जादैछौँ । हामीबाट सिकेर विश्व आज अर्गानिक खेती पद्धत्तिलाई जीवन शैली बनाउन थाली सकेको छ तर हामी बिसाक्त खाना सागसब्जी फलफुल आदि खाएर प्राण घातक रोगहरुको सिकार भइरहेका छौं ।
अनुकुल जलवायु, प्रशस्त नदीनाला विविध भु—धरातल आदि र उर्वरा शक्तिका हिसाबले हाम्रो देश विश्वमा नै अग्रभागमा आउँछ । तर आज हाम्रा युवा विदेशमा गएर अरुकै खेति गरेर रमाउनु पर्ने बाध्यता छ । कृषि हाम्रो सरकारको प्राथमिकतामा किन पर्दैन ? जैविक कृषिलाई मात्रै सहि ढंगबाट अवलम्बन गर्ने हो भने हाम्रो उत्पादन विश्व बजारमा उच्चमाग हुन्छ । हामीले हाम्रा उत्पादन बजारमा माग भए जतिको पुर्ति गर्न नसक्ने अवस्था बन्न सक्छ । यसरी निर्यात बढाउन सके नेपालीको जीवनस्तर ह्वात्तै उकास्न सकिन्छ । अझै पनि ढिला भएको छैन् । जैविक कृषिलाई सरकारले पहिलो प्राथमिकतामा राख्ने हो भने यही अरब हुनेछ, यही इजरायल हुनेछ, यहीं कतार र कोरिया हुनेछ र हाम्रा नयाँ पुस्ता गर्वले छाती फराकिलो बनाएर जीवन जीउन सक्नेछन ।
वौद्धिक संस्कार र संस्कृतिलाई बचाई राख्दै जैविक उत्पादन गर्देै नैपाललाई स्वर्ग बनाउने कल्पनाका साथ योजना लिएर अगाडि बढ्न अब सरकारले ढिलो गर्नु हुन्न ।
स्वर्गिय आनन्दलिन, जैविक उत्पादन हेर्न, हिमाल, पहाड, उकालि, ओराली चड्नलाई नै आफै आउछन् पर्यटक । सरकार निदाएर नबस, नेपाल र नेपालीलाई आत्मा सम्मान हुने काम गर र गर्न देउ । विश्वसामु नेपाललाई चिनाउदै जाउ ।
आफ्नो निजी स्वार्थ पूर्तिमा मात्र नलाग, सही पद्धत्तिको विकाश गर । संस्कारयुक्त सहकार्य गर, इमानदार बन हाम्रो नयाँ पुस्तालाई के सिकाउने हो सोच । वलात्कार, हत्या, हिंसा, रोक्ने दरिलो कानून बनाउ ताकी हिंशाजन्य कुरा कसैले सोच्न समेत नसकोस ।
ठूला साना सबैलाई एउटै नियम, कानून लागउ । मानसिक र शारिरीक स्वस्थ्य रहेर भयरहित भएर काम गर्ने वातावरण सृजना सरकारले गरिदियोस ।
नेपालको उद्योग धन्दाको स्थापना रोजगार अर्थतन्त्रको विकास गर्न सकिने संभावना प्रसस्त छ । युवाहरु विदेश गएर तिनिहरुले लिएर आएको रेमिटान्सले देश चलाउन खोज्दा रेमिटान्सबाट आएको पैसा विदेशबाट आयत गरिएको सामान खरिद गर्नमा खर्च भैरहेको छ । पहिला पहिला नेपालबाट खाद्यान्न निर्यात गर्दथ्यौं तर आज आएर विदेशबाट आयात गरिएको बिषाधि मिसिएको खाएर विरामी भइरहेका छौ । त्यसपछि त्यहि औषधि गर्न, किन्न विदेश नै पैसा पठाइरहेका छौं । त्यसैले अब रेमिट्यान्सको पैसामा गर्व गर्ने होइन त्यसलाई शुन्यमा झारेर देशका डाँडाकाँडामा पैसा फलाउन सक्ने योजना चाहियो सरकार ।
नेपालका हाल खेतियोग्य जमिनमध्ये करिब ४० प्रतिशत जमिन खाली छ । तर नयाँ पुस्ताको सानो सपना कतार र मलेसिया भएको छ भने ठुलो सपना अष्ट्रेलिया र अमेरिका भइरहेको छ ।
वर्तमान सरकारले कृषिक्रान्तीको कुरा भाषणमा मात्रै गर्ने र व्यवहारमा नउतार्ने हो भने त्यो नेपाली जनतामा गरेको कुनै अपराधभन्दा कम हुने छैन । नेपाली जनताले निर्वाचनताका गरेको विश्वास अब धेरै दिन संम्म कायम राख्न सक्लान जस्तो छैन । अतस् सरकारले देशमा रोजगारीको सु व्यवस्था गर । युवा शक्तिलाई विदेशीन बाध्य नपार । देशव्यापी रुपमा विकास निर्माणको काम निर्वाध ढंगले गराउ । नेपालीको श्रम नेपालकै उन्नती र प्रगतीमा आधिक मात्रामा प्रयोग हुने वातावरण श्रृजना गर सरकार ।
