तेराख प्रतिष्ठानको वार्षिक उत्सवमा साहित्यकार, कृषक र विद्यार्थी सम्मानित

कला/साहित्य

गृहपृष्ठ
कला/साहित्य

तेराख प्रतिष्ठानको वार्षिक उत्सवमा साहित्यकार, कृषक र विद्यार्थी सम्मानित

सेतोपत्र डेस्क सोमबार, वैशाख १५, २०८२

मेचीनगर, वैशाख १५ । झापाको धुलाबारीस्थीत तेराख प्रतिष्ठानको वार्षिक उत्सवका अवसरमा विभिन्न विधाका चार जनालाई सम्मान गरिएको छ । वैशाख १३ गते शनिवार धुलाबारी माध्यमिक विद्यालयको सभाहलमा आयोजित प्रष्ठिानको सातौं वार्षिक उत्सव कार्यक्रममा साहित्यकार,लेखक, किसान र विद्यार्थीलाई सम्मान गरिएको हो ।

प्रतिष्ठानका अध्यक्ष शिवकुमार पौडेलको अध्यक्षता तथा देवकोटा संघ सिलगढी भारतका अध्यक्ष मिलन रुचालको प्रमुख आतिथ्यतामा सम्पन्न कार्यक्रममा नेपाली भाषाका भारतिय प्रबुद्ध साहित्यकार तथा भाषा संग्रामी ज्ञानेन्द्र खतिवडा र झापा भद्रपुर निवासी लेखक बिरही अधिकारीलाई तेराख महाकवि देवकोटा साहित्य पुरस्कारबाट सम्मानित गरिएको थियो । सम्मानित दुवै जनालाई जनही ५१ हजारका दरले नगद र सम्मान पत्रले कार्यक्रमका प्रमुख अतिथि रुचालले सम्मान गर्नु भएको थियो ।

त्यस्तै पद्मादेवी छात्रा पुरस्कारबाट धुलाबारी माविकी कक्षा १२ की छात्रा स्मृती लिम्बुलाई २१ हजार नगद र सम्मान पत्रले सम्मानित गरिएको थियो । त्यस्तै मधुसुदन कृषि पुरस्कारबाट झापा बुद्धशान्ति ६ का कृषक राजेन्द्र भट्टराईलाई नगद २१ हजार र सम्मान पत्रद्वारा सम्मान गरिएको तेराख प्रतिष्ठानकी कोषाध्यक्ष शुशिला खतिवडाले जानकारी दिनुभयो ।

कार्यक्रममा प्रमुख अतिथि रुचाल, विशिष्ट अतिथि प्राज्ञ पवन राजबंशी, साहित्यकार पुण्य प्रसाद खरेल, तेराख प्रतिष्ठान संरक्षक लेखनाथ खतिवडा र अग्रज पत्रकार चन्द्र भण्डारी शुभकामना मन्तव्य राख्नु भएको थियो । नेपाल र भारतका दुई सय बढी साहित्यकार, लेखक, पत्रकार लगायतको उपस्थीति रहेको कार्यक्रममा आगमन खतिवडाले कविता वाचन गर्नु भएको थियो थियो गीत तथा नृत्य समेत प्रस्तुत गरिएको थियो ।
प्रतिष्ठानकी उपाध्यक्ष दुर्गा खतिवडाले स्वागत मन्तव्य गरेको कार्यक्रम सचिव जय भण्डारीको सञ्चालनमा सम्पन्न भएको थियो ।

प्रकाशित मिति: सोमबार, वैशाख १५, २०८२ ०९:१५

प्रतिक्रिया दिनुहोस्