दुर्गा प्रसाईं झापाबाट नेपाल प्रहरीको नियन्त्रणमा

स्थानीय

गृहपृष्ठ
स्थानीय

दुर्गा प्रसाईं झापाबाट नेपाल प्रहरीको नियन्त्रणमा

सेतोपत्र डेस्क शुक्रबार, चैत २८, २०८१

झापा,चैत ३० । तिनकुनेमा भएको हिसांत्मक प्रर्दशनका कमान्डर दुर्गा प्रसाईंलाई नेपाल प्रहरीले झापाबाट नियन्त्रणमा लिएको छ । प्रसाईं र उनका अगंरक्षक दिपक खड्कालाई झापाको काकडभिट्टाबाट प्रहरीले शुक्रबार बिहान नियन्त्रणमा लिएको हो ।

प्रहरी प्रधान कार्यलयले भने प्रेस बिज्ञप्ती जारी गरि दुइ जानालाई भद्रपुर क्षेत्रबाट नियन्त्रणमा लिएको बताएको छ । प्रसाइलाई भद्रपुर विमानस्थलबाट बुद्ध एयरको जहाजमा काठमाडौं पठाइएको छ।

यही चैत १५ गते राजावादीले गरेको हिंसात्मक प्रदर्शनका कमाण्डर प्रसाईं हिजो भारतमा समातिएपछि प्रहरीले आज बिहान काँकडभिट्टा नाकाबाट नेपाल ल्याएको हो।प्रसाईंमाथि सङ्गठित अपराध, राज्यविरुद्धको कसूर, अपराधिक उपद्रवलगायतका अभियोगमा अनुसन्धान गर्ने प्रहरीको तयारी छ ।

१५ गते काठमाण्डौको तीनकुनेमा भएको राजावादीको हिंसात्मक प्रदर्शनमा प्रसाईंले प्रहरीलाई कुल्चने गरी गाडी कुदाएका थिए भने उनका समर्थकहरूले विभिन्न सार्वजनिक तथा निजी भवन, सञ्चारगृह र व्यापारिक केन्द्र गरी कुल ४० संरचनामा ढुङ्गामुढा, तोडफोड, आगजनी र लुटपाट गरेका थिए । त्यस्तै सार्वजनिक तथा निजी गरी ६९ वटा गाडीमा क्षति पुगेको थियो ।

घटनामा दुई जनाको ज्यान जानुका साथै १ सय २९ जना घाइते भएका थिए ।