मेचीनगर, चैत १७ । बाहुनडाँगी सिद्धिखोला एकीकृत खानेपानी उपभोक्ता तथा सरसफाई संस्थाको अध्यक्षमा नेपाली काँग्रेसका हेमलाल गुरागाई विजयी हुनु भएकाे छ । नेपाली काँग्रेस, राष्ट्रिय प्रजातन्त्र पार्टी र संघीय लिम्बुवान लोकतान्त्रिक मोर्चाको संयुक्त लोकतान्त्रिक प्यानलकाका तर्फबाट उम्मेद्वार रहनु भएका अध्यक्षमा गुरागाई सहित अधिकांश पदमा उक्त प्यानलका उम्मेद्वार विजयी भएका छन् ।
हिजाे सम्पन्न निर्वाचनमा काँग्रेसका गुरागाईले ४३२ मत पाएर विजयी हुँदा नेकपा एमालेका उम्मेद्वार पासाङ्ग तामाङले ३१५ मात्र प्राप्त गर्नु भएकाे थियाे । अध्यक्षमा नेकपा माओवादी केन्द्रका उम्मेद्वार मेघराज खड्काले १८५ मत पाउनु भयाे ।
एमालेका उम्मेद्वार तामाङ मेचीनगर १ का पुर्व वडाअध्यक्ष हुनुहुन्थ्याे । २०७४ काे स्थानीय तहकाे निर्वाचनमा मेचीनगर १ काे वडाअध्यक्षमा तामाङ विजयी हुनु भएकाे थियाे ।त्यसबेला काँग्रेसका हेमलाल गुरागाईलाई नै पराजित गर्दै वडा अध्यक्ष बन्नु भएका तामाङलाई खानेपानीमा उनै गुरागाईले पराजित गर्नु भयाे ।
उपाध्यक्षमा काँग्रेसका सागर कार्की विजयी हुनु भएकाे छ । कार्भकीले ५८२ मत प्राप्त गर्नु भएकाे थियाे भने उहाँका निकटतम प्रतिस्पर्धी एमालेका पुष्कर घिमिरेले २२५ मत मात्र प्राप्त गर्नु भएकाे थियाे ।
त्यस्तै सचिवमा राप्रपाका सन्ताेस सुवेदी विजयी हुनु भएकाे छ । सुवेदीले ३५५ मत पाउनु भएकाे थियाे भने उहाँका निकटतम प्रतिस्पर्धी राष्ट्रिय स्वतन्त्र पार्टी(रास्वपा)का राजन कार्कीले ३२५ मत पाउनु भएकाे थियाे । सचिवमा एमालेका गाेपाल बराईलीले १५३ मत मात्र पाउनु भएकाे थियाे ।
त्यस्तै काेषाध्यक्षमा काँग्रेसका पुर्णिमा कट्टेल ३९४ मत प्राप्त गरी विजयी हुदा काेषाध्यक्षमा एमालेका उम्मेद्वार पुष्पाकुमार बिष्टले २४४ मत मात्र पाउनु भएकाे छ ।
सहसचिवमा राप्रपाका राजन न्याैपानेले ३९४ मत ल्याई विजयी हुनु भएकाे छ भने उहाँका निकटतम प्रतिस्पर्धी एमालेका सुरेश घिमिरेले २८८ मत मात्र पाउनु भएकाे छ । पराजित उम्मेद्वार घिमिरे मेचीनगर २ काे पुर्व वडा सदस्य हुनुहुन्छ ।
खुला महिला सदस्यमा काँग्रेसका राधा नेपाल र नेकपा एमालेका उमा राउत विजयी हुनु भएकाे छ । पुरुषतर्फ खुला सदस्यमा युवराज पौडेल र चन्द्रलाल ढुङ्गाना विजयी हुनु भयाे ।
कुल १३२७ मतदाता रहेकाेमा १००९ जनाले मतदान गरेकाे निर्वाचन समितिका संयाेजक चन्द्रशेखर गुरागाईले जानकारी दिनुभयाे ।
