काकरभिट्टा, चैत २ । झापाकाे काकरभिट्टामा जारी पाँचाै मेचीनगर गाेल्डकपकाे फाइनल आज हुदैछ । फाइनलमा चर्च ब्वाइज युनाइटेड र काकरभिट्टा फुटवल ट्रेनिङ सेन्टरबीच उपाधीका लागि भिड्न्त हुनेछ ।
प्रि म्याच प्रेस कन्फेरेन्समा दुवै टिमले उपाधी जित्ने गरी मैदानमा उत्रिने बताएका छन । झापामा आएर झापाकै टिमसंस फाइनल खेल्नु निक्कै कठिन हुने चर्च ब्वाईजका काेच सुमन श्रेष्ठले बताए । `हामीलाई झापाली टिमसंग खेल्न निक्कै गाराे छ,´श्रेष्ठले भने, `सेमिफाईनलकाे जितले उत्साहित छाै, फाईनल जित्ने गरी टिम मैदानमा उतार्छाैं ।´
यता आयाेजक काकरभिट्टाका काेच मुन्न सुब्बाले फाइनल जित्ने रणनितिमा रहेकाे बताएका छन । `विपक्षीकाे खेल हेरेका छाैं, ´ सुब्बाले भने, `फाइनलमा जित्नेगरी खेल्छाैं ।´
काकरभिट्टा खेल मैदानमा आज अपरान्ह २ बजेदेखि सुरू हुने फाइनल खेल हेर्न काेशी प्रदेशका मुख्यमन्त्री हिक्मत कुमार कार्की सहभागि हुने गाेल्डकप मूल आयाेजक समितिका सचिव राजु कार्कीले जानकारी दिनु भयाे ।फाइनल खेलको विजेताले नगद १० लाख, ट्रफी र मेडल पाउनेछ भने उपविजेताले नगद पाँच लाख, ट्रफी र मेडल प्राप्त गर्ने छ ।
त्यस्तै, प्रतियोगिताको सर्वोत्कृष्ट खेलाडीले नगद ५१ हजार र ट्रफी पाउँदा उच्च गोलकर्ताले नगद २५ हजार र ट्रफी पाउने छन् । उत्कृष्ट प्रशिक्षक र गोलकिपरले नगद २१ हजार र ट्रफी तथा उदीयमान खेलाडीले नगद ११ हजार र ट्रफी पाउने मूल आयाेजक समितिका सहसंयाेजक विमल आचार्यले बताउनु भयाे ।
