विश्वप्रकाशले संगीत भरेको गीतमा नेविसंघको टिकटक प्रतियोगिता

कला/साहित्य

गृहपृष्ठ
कला/साहित्य

विश्वप्रकाशले संगीत भरेको गीतमा नेविसंघको टिकटक प्रतियोगिता

सेतोपत्र डेस्क मंगलबार, फागुन १३, २०८१

झापा, फागुन १३ । नेपाली काँग्रेसका महामन्त्री तथा सांसद विश्वप्रकाश शर्माले संगीत भरेको गीतमा नेपाल विद्यार्थी संघ मेचीनगर समितिले टिकटक प्रतियोगिता आयोजना गरेको छ । फागुन २ गते सार्वजनिक भएको विश्वप्रकाश शर्माको संगीत, प्रमोद खरेलको स्वर र प्रमोदहरि गुरागाईको शब्द रहेको ‘मन त्यतै कतै भुलेछु प्रीय’ गीतमा विद्यार्थीहरुका लागि टिकटक प्रतियोगिता आयोजना गरिएको नेपाल विद्यार्थी संघ मेचीनगर सभापति प्रज्वल कार्कीले बताउनु भयो ।

प्रतियोगितामा विद्यार्थीहरुले मात्रै सहभागिता गर्न पाउने छन भने फागुन १४ गतेसम्ममा उक्त गीतमा बनाएको टिकटक सामाजिक सञ्जालका विभिन्न प्लेटफार्महरु टिकटक, फेसबुक, इन्स्टाग्राम, रिल्समा पोष्ट गरिसक्नु पर्ने सभापति कार्कीले बताउनु भयो ।

फागुन १५ गते सार्वजनिक गरिने प्रतियोगिताको नतिजामा भिडियो हेरिएको संख्याका आधारमा पहिलो, दोस्रो र तेस्रो स्थान छनौट गरी पुरस्कार वितरण गरिने कार्कीले बताउनु भयो । प्रतियोगितामा पहिलो हुनेले नगद ११ हजार, दोस्रो हुनेले ७ हजार र तेस्रो हुनेले ५ हजार नगद पुरस्कार पाउने सभापति कार्कीले जानकारी दिनुभयो ।