एचपिभि खोप अभियान : झापामा बिद्यालय बाहिरका किशोरीको सहभागिता अत्यन्तै न्युन

स्थानीय

गृहपृष्ठ
स्थानीय

एचपिभि खोप अभियान : झापामा बिद्यालय बाहिरका किशोरीको सहभागिता अत्यन्तै न्युन

सेतोपत्र डेस्क सोमबार, माघ २८, २०८१

झापा,माघ २८ । झापामा पाठेघरको मुखको क्यान्सर बिरुद्धको एचपिभि खोप अभियानमा बिद्यालय बाहिर रहेका १० देखि १४ बर्षका किशोरीको सहभागिता अत्यन्तै न्युन देखिएको छ ।

अभियान सञ्चालन भएको पहिलो ३ दिनको प्रगती विवरण हेर्दा बिद्यालय बाहिर रहेका १० देखि १४ बर्षका किशोरीको सहभागिता अत्यन्तै न्युन देखिएको हो । जिल्ला प्रशासन कार्यलय झापाले आइतबार एक सुचना जारी गर्दै खोप अभियानका लागि सबै संयन्त्र परिचालन गरेर सहजीकरण गर्न स्थानिय निकायहरुलाई निर्देशन दिएको छ ।

अनुगमनका क्रममा बिद्यालय बाहिर रहेका १० देखि १४ बर्षका किशोरीको सहभागिता अत्यन्तै न्युन रहेको र बिद्यालय भित्र पनि कक्षा ६ देखि १० सम्मका छात्राहरु केही छुट भएको पाइएको भन्दै प्रशासन कार्यलयले सबै नगरपालिका र गाँउपालिकालाई सबै लक्षित बर्गलाई समेटने गरि प्रचार प्रसार र सहजीकरण गर्न भनेको हो ।

“सके सम्म सबै लक्षित बर्गलाई सामुदायिक परिचालन गरि एचपिभि खोप लगाउने कार्यका लागि सहभागी गराउन आवश्यक प्रचार प्रसार तथा सहजिकरण गरिदिन आदेश अनुसार अनुरोध छ” सुचनामा भनिएको छ ।