दमकमा बन्दकर्ता र प्रहरीबीच झडप : तीन सेल अश्रुग्यास प्रहार

स्थानीय

गृहपृष्ठ
स्थानीय

दमकमा बन्दकर्ता र प्रहरीबीच झडप : तीन सेल अश्रुग्यास प्रहार

सेतोपत्र डेस्क आइतबार, माघ २०, २०८१

झापा,माघ २० । झापाको दमकमा बन्दकर्ता र प्रहरीबीच झडप भए पछि स्थिती तनावग्रस्त बनेको छ । बन्द गराउदै हिडेका बन्दकर्ता नियन्त्रणमा लिन खोज्दा दुइ पक्ष बिच झडप भएको हो ।

झडपका क्रममा प्रहरीले स्थितिलाई नियन्त्रणमा लिन ३ सेल अश्रुग्यास प्रहार गरेको छ भने केही बन्दकर्ताहरुलाई पक्राउ गरी इलाका प्रहरी कार्यालय दमक लगेको छ ।

दमक –६ स्थित गणतन्त्र चोकमा संघीय लोकतान्त्रिक राष्ट्रिय मंचका अध्यक्ष कुमार लिङ्देनको नेतृत्वमा करिब सय जनाको उपस्थितिमा सडकको बिच भागमा टायर बाली अवरोध गर्न खोज्ने क्रममा प्रहरीले बन्दकर्तालाई नियन्त्रणमा लिन खोजेको थियो । सो क्रममा बन्दकर्ताहरुले प्रहरीमाथि ढुंगा प्रहार गरेको बताइएको छ ।

प्रहरीले स्थितीलाई नियन्त्रणमा लिन अश्रुग्यास प्रहार गर्नुपरेको जिल्ला प्रहरी कार्यालयका प्रवक्ता डीएसपी कृष्णकुमार चन्दले बताउनुभएको छ । यसअघि बिहान आकाशे पुलमा भेला भई बन्द गराउन खोज्दा प्रहरीले ३ जना बन्दकर्तालाई पक्राउ गरेको थियो ।

दमकबाट अहिलेसम्म ७ जना बन्दकर्ता पक्राउ परेका छन् । पदम बेघा, धनकुमार योङहाङ, शुक्रवीर लिम्बू, आदित्य फियाक , प्रकाश लावुङ, सन्देश लिम्बू र नाम्साङ लिम्बू पक्राउ परेको प्रहरीले जनाएको छ ।

प्रकाशित मिति: आइतबार, माघ २०, २०८१ १६:११

प्रतिक्रिया दिनुहोस्