सुदुरपश्चिम रोयल्स एनपिएलको फाइनल प्रवेश

खेलकुद

गृहपृष्ठ
खेलकुद

सुदुरपश्चिम रोयल्स एनपिएलको फाइनल प्रवेश

सेतोपत्र डेस्क बुधबार, पुस ३, २०८१

झापा, पुस ३ । पहिलो एनपिएलमा सुदुरपश्चिम रोयल्स फाइनलमा प्रवेश गरेको छ । आज भएको पहिलो क्वालिफायरमा जनकपुर बोल्टसलाई ८ विकेटले हराउँदै रोयल्स फाइनल प्रवेश गरेको हो । टियु क्रिकेट मैदान काठमाण्डौमा टस जितेर पहिला व्याटिङ गरेको जनकपुर बोल्टसले १३९ रनको योगफल तयार पारेको थियो । बोल्टसका लागि जिमि निसमले सर्बाधिक ४५ रन बनाए । रोयल्सका कप्तान दिपेन्द्रसिंह ऐरीले ४ ओभरमा २९ रन खर्चेर ३ विकेट लिए । त्यस्तै साहिब जाइबले २ विकेट लिए । १४० रनको विजयी लक्ष लिएर मैदान छिरोको सुदुरपश्चिम रोयल्सले १८.३ ओभरमा २ विकेट गुमाएर विजयी रन बनाएको थियो ।

रोयल्सका लागि ओपनर व्याट्सम्यान विनोद भण्डारीले अर्धसतक बनाएका थिए । भण्डारीले ५५ बलमा ३ चौका र ३ छक्का प्रहार गरी अविजित ५८ रन बनाएका छन । कप्तान दिपेन्द्रसिंह ऐरीले आक्रामक इनिङ खेल्दै १६ बलमा एक चौका र एक छक्का प्रहार गर्दै अविजित २० रन बनाएका थिए ।

पहिलो क्वालिफायरमा हारेको जनकपुरले अब दोस्रो क्वालिफायर खेल्ने मौका पाउनेछ । दोस्रो क्वालिफायरमा जनकपुरले कर्णाली याक्ससंग फाइनल प्रवेशका लागि खेल्ने छ । यस अघि आजै भएको इल्मिनेटरमा कर्णालीले चितवन राइनोजलाई २१ रनले पराजित गर्दै दोस्रो क्वालिफायरमा स्थान बनाएको थियो ।

प्रतियोगिताको दोस्रो क्वालिफायर भोलि दिउँसो १२ बजे सुरु हुनेछ भने फाइनल खेल शनिवार हुनेछ । प्रतियोगिताको विजेता टिमले एक करोड १० लाख नगद र ट्रफि पाउनेछ भने उपविजेताले ५१ लाख नगद पाउने छ ।

प्रकाशित मिति: बुधबार, पुस ३, २०८१ १६:२०

प्रतिक्रिया दिनुहोस्