पत्रकार महासंघको चुनाव : झापामा युनियनको आधिकारीक उम्मेदवार गौतम

स्थानीय

गृहपृष्ठ
स्थानीय

पत्रकार महासंघको चुनाव : झापामा युनियनको आधिकारीक उम्मेदवार गौतम

सेतोपत्र डेस्क बिहीबार, मंसिर २७, २०८१

मसिंर २७,झापा । नेपाल पत्रकार महासंघको भोली हुने निर्वाचनको लागि नेपाल प्रेस युनियनको तर्फबाट झापामा राजेन्द्र गौतमलाई आधिकारीक उम्मेदवार तोकिएको छ ।

महासंघको निर्वाचनमा प्रेस युनियन नेपाल र प्रेस चौतारीको साझा प्यानलमा युनियनको तर्फबाट अध्यक्ष पदमा वर्तमान अध्यक्ष एकराज गिरी र युनियन झापा शाखाको सल्लाहकार राजेन्द्र गौतमको उम्मेदवारी दर्ता भएको स्थितमा प्रेस युनियनको केन्द्रीय समितिले गौतमलाई आधिकारीक उम्मेदवार तोकेको हो । युनियन केन्द्रीय समितिका अध्यक्ष शिव लम्सालले प्रेस युनियन झापालाई आज एक पत्र लेख्दै गौतमलाई आधिकारी उम्मेदवारका रुपमा तोकिएकोले उहाँलाई विजय बनाउने अभियानमा लाग्न निर्देशन दिनुभएको छ ।

वर्तमान अध्यक्ष गिरीले एक कार्यकाल अध्यक्षको जिम्मेवारी निर्वाह गरिसकेको तथा युनियनले सबैलाई अवसर दिनुपर्ने भएकाले प्रेस युनियन नेपाल र प्रेस चौतारीको साझा प्यानलमा युनियनको तर्फबाट गौतमलाई उम्मेदवार बनाउने निर्णय गरिएको पत्रमा उल्लेख गरिएको छ ।

प्रेस युनियन र प्रेस चौतारी बिच छलफल गर्न तथा युनियन झापाले तय गर्ने उम्मेदवार छनोट प्रक्रियामा समन्वय तथा सहजिकरण गरि निर्णय गर्न केन्द्रीय समितिले मसिंर २५ गते प्रेस युनियन कोशी प्रदेशका उपाध्यक्ष ज्ञानेन्द्र निरौलालाई केन्द्रीय प्रतिनिधीको रुपमा खटाएको थियो । केन्द्रीय प्रतिनिधी निरौलाले गौतमलाई आधिकारीक उम्मेदवार तोकेको बिषयको पत्र दिनुभएको छ ।

प्रकाशित मिति: बिहीबार, मंसिर २७, २०८१ १६:२४

प्रतिक्रिया दिनुहोस्