बीआरआई सहकार्य फ्रेमवर्कमा झापाका दुइ परियोजना

स्थानीय

गृहपृष्ठ
स्थानीय

बीआरआई सहकार्य फ्रेमवर्कमा झापाका दुइ परियोजना

सेतोपत्र डेस्क बुधबार, मंसिर १९, २०८१

झापा,मसिंर १९ । नेपाल र चीन सरकारबीच हस्ताक्षर भएको ’फ्रेमवर्क अफ बेल्ट एन्ड रोड कोअपरेशन’ मा झापाका दुइ परियोजना परेका छन् ।

बेइजिङमा नेपाल र चीनका उच्च अधिकारीहरूबीच चलेको दुई दिने अनौपचारिक वार्तापछि ‘बीआरआई सहकार्य फ्रेमवर्क’ मा हस्ताक्षर भएको हो । जसमा झापाको दमकमा रहेको चीन–नेपाल औद्योगिक मित्रपार्क र . झापा स्पोर्ट्स एन्ड एथ्लेक्टिस कम्प्लेक्स परियोजना पनि परेको हो ।

प्रधानमन्त्री ओलीको भ्रमणको क्रममा बीआरआईबारे हस्ताक्षर नहुने चर्चाका बीच आज बिहान दुवै देशका परराष्ट्र सचिवहरूले फ्रेमवर्कमा सम्झौता गरेका हुन् । ‘बीआरआई सहकार्य फ्रेमवर्क’ मा नेपालले चिनियाँ पक्षलाई गरेको १० परियोजना प्रस्ताव समेटिएका छन् । जसमा टोखा–छहरे सुरुङमार्ग,हिल्सा–सिमकोट सडक परियोजना, किमाथाङ्का–खाँदबारी सडक र पुल, जिलोङ–केरुङ–काठमाण्डौ सीमापार रेलमार्ग र डडेलधुरामा रहेको अमरगढी सिटी हल परेको हो । जिलोङ–केरुङ–रसुवागढी चिलिमे २२० केभी सीमापार प्रसारण लाइन,मदन भण्डारी विश्वविद्यालय,काठमाण्डौ साइन्टिफिक सेन्टर एन्ड साइन्स म्युजियम पनि‘बीआरआई सहकार्य फ्रेमवर्क’मा परेको छ ।

नेपालले प्रस्ताव गरेको काठमाण्डौ–हेटौँडा पोडवे र काठमाण्डौ उपत्यका प्रसारण लाइन स्तरोन्नति भने ‘बीआरआई सहकार्य फ्रेमवर्क’ मा परेनन् ।

प्रकाशित मिति: बुधबार, मंसिर १९, २०८१ १६:४३

प्रतिक्रिया दिनुहोस्