देउसी खेलेर भानु माविले उठायो दुई लाख ७० हजार

स्थानीय

गृहपृष्ठ
स्थानीय

देउसी खेलेर भानु माविले उठायो दुई लाख ७० हजार

सेतोपत्र डेस्क बुधबार, कात्तिक २८, २०८१

झापा, कार्तिक २८ । झापाको मेचीनगर–२ स्थित भानु माध्यमिक विद्यालयले देउसी खेलेर दुई लाख ७० हजार रकम संकलन गरेको छ । विद्यालयको अतिरिक्त क्रियाकलाप गर्न आर्थिक अभाव भए पछि तिहारमा देउसी खेलेर उक्त रकम जम्मा गरिएको विद्यालयका प्रधानाध्यापक खड्ग कुमारी तिम्सिनाले बताउनु भयो । देउसी कार्यक्रमको समापन गर्दै भानु माविले मंगलबार देउसीमा सहभागि विद्यार्थीहरुलाई सम्मान पत्र र मायाको चिनो समेत प्रदान गरेको छ ।

विद्यालय प्राङ्गणमा मंगलवार आयोजित देउसी समापन कार्यक्रममा तत्कालिन बाहुनडाँगी गाविसका अध्यक्ष तथा नागरिक समाज बाहुनडाँगीका अध्यक्ष नीलकण्ठ तिवारीको प्रमुख आतिथ्य र मेचीनगर वडा नं २ का वडाअध्यक्ष दीपक बरालको विशेष आतिथ्यमा यो बर्षको तिहारमा विद्यालयका तर्फबाट खेलिएको देउसीको आय–व्यय सार्वजानिक गरिएको थियो ।

विद्यालयको बाल क्लब र जुनियर रेडक्रस सर्कलको अयोजनामा भएको देउसीबाट २ लाख ७० हजार आम्दानी भएको आय व्यय विवरणमा सार्वजनिक गरिएको छ । देउसीबाट संकलित सो रकम मध्ये विद्यालयलाई ९६ हजार बराबरको सांस्कृतिक पोशाक र साउण्ड सिस्टम खरीद गरिएको, विद्यार्थीलाइ प्रमाणपत्र, मायाको चिनो र खाजामा ३६ हजार ६ सय खर्च भएको प्रधानाध्यापक तिम्सिनाले बताउनु भयो । खर्च भएर बाँकी रहेकको रकमबाट विद्यालयलाइ आवस्यक थप सामाग्री खरिद गरिने कार्यक्रममा तिम्सिनाले जानकारी दिनुभयो ।

विद्यालय व्यवस्थापन समितिका अध्यक्ष सोमप्रसाद गिरीको अध्यक्षतामा भएको देउसी समापन कार्यक्रममा कक्षा ११ मा अध्ययन गर्ने नयाँ विद्यार्थीलाइ स्वागत समेत गरिएको थियो । कार्यक्रममा पूर्व प्रधानाध्यापक देवेन्द्र खनाल, पूर्व विद्यार्थी समाजका निवर्तमान अध्यक्ष गोपीकृष्ण रिजाल, पूर्व विद्यार्थी समाजका अध्यक्ष पुरुषोत्तम काफ्ले, विद्यालय सल्लाहकार समितिका सदस्यहरु रीता ढकाल, मधुमाया कार्की, सामाजिक व्यक्तित्व तथा अभिभावकको उपस्थिति रहेको थियो । विद्यालयका प्रधानाध्यापक खडगकुमारी तिम्सिनाले स्वागत गर्नु भएको कार्यक्रमको सन्चालन सहायक प्रधानाध्यापक ज्ञानेन्द्र ढुङ्गाना र शिक्षक अर्जुन कुमार कार्किले गर्नु भएको थियो ।

प्रकाशित मिति: बुधबार, कात्तिक २८, २०८१ ०८:१०

प्रतिक्रिया दिनुहोस्