धुलाबारीमा नेपाल फर्निचरको तेस्रो शोरुम सञ्चालनमा

स्थानीय

गृहपृष्ठ
स्थानीय

धुलाबारीमा नेपाल फर्निचरको तेस्रो शोरुम सञ्चालनमा

सेतोपत्र डेस्क मंगलबार, कात्तिक १३, २०८१

धुलाबारी, कार्तिक १३ । नेपाल फर्निचर उद्योग मेचीनगरले आफ्नो तेस्रो शोरुम मेचीनगर १० धुलाबारीमा आजदेखि सञ्चालनमा ल्याएको छ । दश बर्ष अघि मेचीनगर ७ सतिघट्टामा उद्योग सञ्चालनमा ल्याएको नेपाल फर्निचरले ग्राहकको सुविधका लागि धुलाबारीमा समेत शोरुम सञ्चालनमा ल्याएको उद्योगका सञ्चालक हरि संग्रौलाले बताउनु भयो । धुलाबारीको शोरुमका लागि मात्रै करीब २५ लाख लगानी भएको संग्रौलाले बताउनु भयो । ‘१० बर्षदेखि ग्राहकलाई सन्तुष्ट राखेका छौं,’ सञ्चालक संग्रौलाले भन्नुभयो, ‘हाम्रा सामान लिएर जाने ग्राहकको फिडब्याक राम्रो छ ।’

फर्निचरका सबैखाले सामान नेपाल फर्निचरले बनाउने अर्का सञ्चालक कञ्चन बरालले बताउनु भयो । बरालका अनुसार ग्राहकको माग अनुसार पनि सामान तयार गरिन्छ । ‘कसैले कुनै फोटो लिएर मलाई यस्तो सामान चाहियो भने हामी बनाएर दिन्छौं,’ बरालले भन्नुभयो, ‘हामी इन्टेरियर डिजानइनको काम पनि गर्छौं ।’

धुलाबारीको नयाँ शोरुममा सञ्चालकद्वय बराल र संग्रौला ।

अहिलेसम्म २ करोड भन्दा बढी लगानी भइसकेको नेपाल फर्निचरको पहिलो शोरुम काकरभिट्टामा देविका फर्निचरसंगको सहकार्यमा सञ्चालन भइरहेको छ भने दोस्रो शोरुम इटाभट्टामा रहेको बरालले बताउनु भयो । अब चाँडै मेचीनगरको चारआली बजारमा समेत चौथो शोरुम सञ्चालनमा ल्याउने तयारी भइरहेको बरालले बताउनु भयो ।

प्रकाशित मिति: मंगलबार, कात्तिक १३, २०८१ १४:२८

प्रतिक्रिया दिनुहोस्