दुर्गा प्रसाई बिरुद्ध पक्राउ पुर्जी

देश

गृहपृष्ठ
देश

दुर्गा प्रसाई बिरुद्ध पक्राउ पुर्जी

सेतोपत्र डेस्क बिहीबार, असोज ३, २०८१

झापा, असोज ३ । झापाका मेडिकल व्यवसायी दुर्गा प्रसाईं बिरुद्ध पक्राउ पुर्जी जारी भएको छ । प्रसाईलाई पक्राउ गर्न काठमाडौँ जिल्ला अदालतले पक्राउ पुर्जी जारी गरेको हो । अदालतस्रोतका अनुसार अदालतले प्रसाईंलाई पक्राउ गरेर अनुसन्धान गर्न प्रहरीको साइबर ब्यूरोलाई अनुमति दिएको छ ।

जिल्ला अदालतका सूचना अधिकरी मेलिस बास्कोटाका अनुसार प्रसाईविरुद्ध विद्युतीय कारोबार ऐन अन्तर्गतको कसूरमा अनुसन्धान गर्नका लागि पक्राउ अनुमति दिएको हो । १५ दिन अघि प्रसाईविरुद्ध प्रहरीको साइबर व्युरोमा उजुरी दर्ता भएको थियो । त्यसैको आधारमा प्रहरी जिल्ला अदालत गएको थियो । जिल्ला अदालतले हिजो प्रसाईँलाई पक्राउ गरी अनुसन्धान गर्न अनुमति दिएको हो ।

बिर्तामोडस्थीत बिएण्डसी मेडिकल कलेजका सञ्चालक रहनु भएका प्रसाईसहित तीनजना विरुद्ध पक्राउ पूर्जी जारी भएको बताइएको छ । उनीहरूविरुद्ध साइबर ब्यूरोमा परेको उजुरीका आधारमा पक्राउ पुर्जी जारी गरिएको हो ।

प्रकाशित मिति: बिहीबार, असोज ३, २०८१ ०७:२१

प्रतिक्रिया दिनुहोस्