झापामा डेङ्गु सङ्क्रमण दर उच्च : दुइ जनाको मृत्यु

स्थानीय

गृहपृष्ठ
स्थानीय

झापामा डेङ्गु सङ्क्रमण दर उच्च : दुइ जनाको मृत्यु

सेतोपत्र डेस्क सोमबार, भदौ २४, २०८१

झापा,भदौ २४ । झापामा डेङ्गु सङ्क्रमण दर उच्च देखिएको छ । साउन १ गतेयता डेङ्गु सङ्क्रमितको सङ्ख्या एक सय २८ पुगेको स्वास्थ्य कार्यालय झापाले जनाएको छ । डेङ्गु सङ्क्रमणबाट दुई जनाको मृत्यु भइसकेको छ ।

स्वास्थ्य कार्यालयका डेङ्गु फोकल पर्सन वीरेन्द्र दासका अनुसार डेङ्गुबाट हल्दिबारी–३ की ४२ वर्षीया महिला र बिर्तामोड–४ का आठ वर्षीय बालकको मृत्यु भएको हो । यही अवधिमा कोशी प्रदेशमा डेङ्गुबाट एक हजार ६५ जना सङ्क्रमित भएका छन् ।

सबैभन्दा बढी मोरङमा सङ्क्रमितको सङ्ख्या पाँच सय ३२ पुगेको छ भने त्यसपछि झापा, धनकुटा र सुनसरीमा डेङ्गु सङ्क्रमणको दर उच्च पाइएको छ । गएको वैशाखदेखि नै कोशी प्रदेशका धेरै जिल्लामा डेङ्गुको सङ्क्रमण फैलिन थालेको छ । ताप्लेजुङमा भने डेङ्गुको सङ्क्रमित पाइएको छैन ।

प्रकाशित मिति: सोमबार, भदौ २४, २०८१ १४:५२

प्रतिक्रिया दिनुहोस्