आज असार १५, धान दिवस र दहि चिउरा खाने दिन

देश

गृहपृष्ठ
देश

आज असार १५, धान दिवस र दहि चिउरा खाने दिन

सेतोपत्र डेस्क शनिबार, असार १६, २०८१

आज असार १५ गते अर्थात राष्ट्रिय आज धान दिवस र दहि चिउरा खाने दिन । विसं २०६१ मङ्सिर २९ गतेको मन्त्रीस्तरीय अनुसार २०६२ साल असार १५ गतेदेखि राष्ट्रिय धान दिवस मनाउन थालिएको हो । कृषिप्रधान देश भएकाले नेपालका अधिकांश नागरिकको पेसा खेतीपाती भएकाले धान दिवस आज खेतमा काम गरी दही चिउरा खाएर मनाइँदै छ ।

किसान वर्षभरका लागि छाक जुटाउन यो महिना खेतीमा व्यस्त हुन्छन । कामको चटारोले थकित भएका किसान शक्ति प्राप्तिका लागि दही चिउरा खाने प्रचलन रहि आएको छ । यसबेला दही चिउराले शरीरमा शीतलता भई शक्ति सञ्चय हुने विश्वास गरिन्छ ।

धान दिवसको अवसरमा सरकारका उच्च पदस्थ व्यक्तिहरू र राजनीतिक दलका नेताहरू समेत धान रोप्ने कार्यक्रममा सरिक हुन्छन । असार १५ लाई नेपाली समाजमा दही चिउरा खाने पर्वका रुपमा पनि लिइन्छ । खेतीपातीबाहेक अन्य पेसा र व्यवसायमा लागेका नेपालीले पनि आज दही चिउरा खाएर असार १५ मनाउँछन ।

प्रकाशित मिति: शनिबार, असार १६, २०८१ ०७:२४

प्रतिक्रिया दिनुहोस्