संसदमा शर्माको चुनौती : गिरीबन्धुको अनुसन्धान गरेर कांग्रेसलाई दण्डित गर्नुहोस

देश

गृहपृष्ठ
देश

संसदमा शर्माको चुनौती : गिरीबन्धुको अनुसन्धान गरेर कांग्रेसलाई दण्डित गर्नुहोस

सेतोपत्र डेस्क बिहीबार, जेठ २४, २०८१

झापा,जेठ २३ । नेपाली कांग्रेसका महामन्त्री विश्वप्रकाश शर्माले गिरीबन्धु टी स्टेटको फाइल खोलेर छानबिन गर्न गृहमन्त्री रवि लामिछानेलाई चुनौती दिनुभएको छ ।

प्रतिनिधि सभाको आजको बैठकमा विशेष समयमा बोल्दै महामन्त्री शर्माले पूर्वप्रधानमन्त्री केपी शर्मा ओलीले कांग्रेसले ७० बिघा जमिनको कमिसन खाएको भनेर आरोप लगाएको भन्दै गिरीबन्धुको अनुसन्धान गरेर कांग्रेसलाई दण्डित गर्न चुनौती दिनुभएको हो।

महामन्त्री शर्माले गिरीबन्धु टी स्टेटको फाइल खोल्न गृहमन्त्री तयार हो कि होइन भनेर प्रश्न गर्नुभयो । ‘म जान्दछु खोल्न होइन, उहाँ बोल्न पनि सक्नुहुन्न’, शर्माले भन्नु भयो,‘बोल्न सक्ने भएको भए शिक्षामन्त्रीबारे बोलिएको बोली फिर्ता लिनुस् भन्न सक्नुहुन्थ्यो ।’

महामन्त्री शर्माले काठमाडौँ महानगर प्रमुख बालेन शाहलाई काम गर्न दिन आग्रह गर्नुभएको छ । सङ्घ सरकार स्थानीय सरकारसँग संवेदनशील हुनुपर्ने उहाँको भनाई छ । त्यस्तै महामन्त्री शर्माले अदालतले निर्दोष साबित गरेपछि पनि क्रिकेटर सन्दीप लामिछाने विश्वकप खेल्न जान नपाएको भन्दै अमेरिका जान नपाउनुमा कहाँ कमजोरी भयो भनी परराष्ट्रमन्त्री र खेलकुदमन्त्रीसँग जवाफ माग गर्नुभयो ।

प्रकाशित मिति: बिहीबार, जेठ २४, २०८१ १७:१५

प्रतिक्रिया दिनुहोस्