पत्रकार महासंघको उपचार कोष एक करोड पुग्यो, आज घोषणा सभा

स्थानीय

गृहपृष्ठ
स्थानीय

पत्रकार उपचार कोषमा एक करोड पत्रकार महासंघको उपचार कोष एक करोड पुग्यो, आज घोषणा सभा

सेतोपत्र डेस्क सोमबार, वैशाख ३, २०८१

झापा, वैशाख ३ । नेपाल पत्रकार महासङ्घ झापाले ‘ पत्रकार उपचार कोष’को राशि एक करोड पु¥याएको छ । ‘पत्रकार सहारा उपचार कोष’ नामाकरण गरिएको उक्त कोषको स्थापना आठ वर्ष अघि भएको थियो । नागरिकका सूचनाको हक प्रत्याभूतिका लागि जोखिम मोलेर अहोरात्र खटिने पत्रकारको उपचारमा सहयोग पु¥याउने उद्देश्यले विसं २०७३ पुस १६ गते कोष घोषणा गरिएको नेपाल पत्रकार महासङ्घ झापाका अध्यक्ष एकराज गिरीले बताउनुभयो ।

महासङ्घको आफ्नै कोषबाट चार लाख र सहारा नेपाल बचत तथा ऋण सहकारी संस्थाको पाँच लाख जम्मा गरेर उपचार कोष स्थापना गरिएको थियो । उक्त कोषमा अहिले एक करोड जम्मा भइसकेको अध्यक्ष गिरीले जानकारी दिनुभयो । उहाँका अनुसार समाचार सङ्कलनको क्रममा हुने दुर्घटनामा घाइते भएका र विभिन्न रोग लागेर बिरामी हुने जिल्लाका पत्रकारलाई कोषले उपचारका लागि नगद सहयोग दिँदै आएको छ । कोषमा पत्रकारले जनही तीन हजार जम्मा गरेका छन भने अधिकांश रकम दाताले दिएका हुन ।

दैनिक र साप्ताहिक पत्रिका प्रकाशित भइरहेका छन भने टेलिभिजन, रेडियो र अनलाइन सञ्चारमाध्यम सञ्चालनमा छन । कोषको व्यवस्थित सञ्चालनका लागि कार्यविधि निर्माण गरिएको छ । कोष वृद्धिका लागि समिति गठन गरिएको थियो । कोषको साँवा रकम खर्च गर्न नमिल्ने गरी अक्षयकोषमा राखिएको छ । त्यसको ब्याजबाट प्राप्त हुने रकमबाट पत्रकारको उपचारमा खर्च हुँदै आएको कोषले जनाएको छ । कोषको सहयोगमा जिल्लाका थुप्रै पत्रकारले दुर्घटना हुँदा र बिरामी पर्दा उपचार सहयोग पाइसकेका छन । झापामा प्रेस चौतारी नेपालको शाखाले समेत ‘पत्रकार उपचार कोष’ स्थापना गरेको छ ।

यसैबिच आज एक समारोहकाबीच नेपलाका प्रथम राष्ट्रपति डा रामवरण यादवको प्रमुख आतिथ्यतामा पत्रकार महासंघ झापाको उपचार कोष एक करोड पुगेको घोषणा गरिदैं छ । बिर्तामोडमा आयोजना गरिएको उक्त कार्यक्रममार्फत उपचार कोषमा सहयोग गर्ने दाताहरुलाई सम्मान गर्ने कार्यक्रम समेत रहेको पत्रकार महासंघ झापाका अध्यक्ष एकराज गिरीले बताउनु भयो । कार्यक्रममा सहभागि हुन प्रथम राष्ट्रपति यादव हिजै झापा आइसक्नु भएको छ ।

प्रकाशित मिति: सोमबार, वैशाख ३, २०८१ ०७:२२

प्रतिक्रिया दिनुहोस्