झापा गोल्डकपको पहिलो खेलमा एपिएफ विजयी

खेलकुद

गृहपृष्ठ
खेलकुद

झापा गोल्डकपको पहिलो खेलमा एपिएफ विजयी

सेतोपत्र डेस्क शनिबार, फागुन १९, २०८०

बिर्तामोड, फागुन १९ । झापा गोल्डकपको छैटौं संस्करणको उद्घाटन खेलमा विभागिय टिम एपिएफ विजयी भएको छ । झापाको बिर्तामोडस्थीत डोमालाल राजबंशी रंगशालामा आज भएको खेलमा संकटा फुटबल क्लबलाई ४–२ ले पराजित गर्दै सशस्त्र प्रहरी फुटबल क्लब (एपीएफ) विजयी बनेको हो ।

निर्धारित ९० मिनेटको खेलमा दुवै टिमबाट कुनै गोल नभएपछि टाइब्रेकरमा पुगेको खेलमा एपिएफको तर्फबाट दिपेश धिमाल, फोडे फोफोना, कुलदिप कार्की र सुमन श्रेष्ठले गोल गरेका थिए भने संकटाका चन्दन दास र यमनबहादुर पुत्वारले गोल गर्दा अजित लामा र मौसम सुब्बाको प्रहार गोल हुनबाट चुकेसंगै एपिएफ क्वाटरफाइनल प्रवेश गरेको हो । खेलको म्यान अफ द म्याच एपीएफका गोल किपर एञ्जल श्रेष्ठ घोषित भए ।

आइतबारको खेल विभागीय टोली नेपाल पुलिस क्लब र ए डिभिजन लिग च्याम्पियन चर्च ब्वाइज युनाइटेडबीच हुनेछ । आज एक समारोहकाबीच सभामुख देवराज घिमिरेले उद्घाटन गर्नु भएको गोल्डकपमा ‘ए’ डिभिजन क्लबसहित १० टोलीले सहभागिता जनाएका छन ।

यति ब्रुअरी मुख्य प्रायोजक एवं अन्तर्राष्ट्रिय झापाली समाज सहप्रायोजक र बिर्तामोड नगरपालिका संरक्षक रहेको झापा गोल्डकपको फाइनल खेल फागुन २८ गते हुने झापा गोल्डकपका अध्यक्ष विनोद बस्नेतले जानकारी दिनुभयो । प्रतियोगिताको विजेताले १३ लाख रुपैयाँ र आकर्षक ट्रफि प्राप्त गर्नेछ भने उपविजेताले नगद रू ७ लाख प्राप्त गर्नेछ ।

प्रकाशित मिति: शनिबार, फागुन १९, २०८० १९:३०

प्रतिक्रिया दिनुहोस्