झापामा पाँच हजार रुख काटिंदै

देश

गृहपृष्ठ
देश

पुर्व पश्चिम राजमार्ग निर्माण झापामा पाँच हजार रुख काटिंदै

सेतोपत्र डेस्क सोमबार, माघ ८, २०८०

काटिने अवस्थाका मेचीनगर क्षेत्रको सडक किनाराका रुख ।

मेचीनगर, माघ ८ । पुर्व पश्चिम राजमार्ग निर्माण गर्दा झापामा करीब पाँच हजार रुख काटिने भएका छन । झापाको काकरभिट्टादेखि सितापुरीसम्मको पुर्वी खण्ड र सितापुरीदेखि मावा खोलासम्मको पश्चिम खण्ड गरी झापामा ४ हजार ९ सय ५७ वटा रुख काटिने डिभिजन वन कार्यालय झापाका वन अधिकृत ऋषि पराजुलीले सेतोपत्रलाई जानकारी दिनुभयो । पुर्वी खण्डमा ४ हजार ७ सय ३० वटा रुख काटिनेछ जसमा ९२ हजार ९ सय ९५ दशमलव १६ क्यूबिक फिट काठ र ९ सय ५४ दशमलब ६२ चट्टा दाउरा निस्कने समितिले मुल्याकंन गरेको वन अधिकृत पराजुलीले बताउनु भयो ।

त्यस्तै सितापुरीदेखि मावा खोलासम्मको पश्चिम खण्डमा २२७ वटा रुख काटिनेछ । जसमा एक सय ९० दशमलव ११ क्यूबिक फिट काठ र ३ दशमलब २७ चट्टा दाउरा निस्किने दाउरा निस्कने वन अधिकृत पराजुलीले बताउनु भयो । सडक निर्माण गर्दा झापामा जम्मा ९३ हजार एक ८५ दशमलब २७ क्यूबिक फिट काठ निस्कने र ९ सय ५७ दशमलब ८९ चट्टा दाउरा निस्कने मुल्याकन भएको पराजुलीले बताउनु भयो ।

सडक निर्माणका लागि हटाउनु पर्ने रुखलाई वन कार्यालयले लगाएको टाँचा ।

वन अधिकृत पराजुलीका अनुसार २० फिट लम्बाई, ५ फिट चौडाई र ५ फिट उचाईमा रहेको दाउरा एक चट्टा हुन्छ । शहरी क्षेत्रमा ५० मिटर भित्रका र अन्य क्षेत्रमा ३२ मिटर भित्रका रुख बिरुवा सडक निर्माणका बेला हटाउनु पर्ने भएकाले सोही अनुसार हटाउनु पर्ने रुख बिरुवाहरुको लगत संकलन गरी मुल्याकंन गरिएको पराजुलीले बताउनु भयो । झापाको पुर्वी खण्ड काकरभिट्टादेखि सितापुरीसम्मको ४५ किलोमिटर सडकमा पर्ने रुख बिरुवाको लगत संकलन गरी सरकारी रुख काटन सिफारिस गर्ने समितिको बैठकले निर्णय गरी वन विभागमा पठाईसकिएको र सितापुरीदेखि माव खोलासम्मको पश्चिम खण्डको लगत संकलन भएर कार्यालयमा आईपुगेकाले केही दिनमै समितिको बैठक बसेर निर्णय गरी विभागमा पठाईने वन अधिकृत पराजुलीले बताउनु भयो ।

सरकारी रुख हटाउनका लागि डिभिजन वन कार्यालयका प्रमुख अध्यक्ष रहने गरी जिल्ला प्रशासन कार्यालयका अधिकृत, मालपोत कार्यालयका अधिकृत, नापी कार्यालयका अधिकृत र जिल्ला समन्वय समितिको कार्यालयका अधिकृत सदस्य तथा सम्बन्धीत आयोजना प्रमुख सदस्य सचिव रहने गरी रुख कटान सिफारिस समिति रहेको र त्यसले निर्णय गरी वन विभागमा पठाउने र विभागबाट अनुमति आए पछि सडक डिभिजन कार्यालयले रुख कटानु गर्ने कानूनी व्यवस्था रहेको वन अधिकृत पराजुलीले बताउनु भयो । त्यसरी हटाईएका रुख सडक डिभिजन कार्यालयले सम्बन्धीत वन डिभिजन कार्यालयलाई बुझाउनु पर्नेछ ।

प्रकाशित मिति: सोमबार, माघ ८, २०८० १७:०९

प्रतिक्रिया दिनुहोस्