आज छठको मुख्य दिन, अस्ताउँदो सुर्यलाई अर्घ दिइदैं

देश

गृहपृष्ठ
देश

छठ पर्वको मुख्य दिन आज छठको मुख्य दिन, अस्ताउँदो सुर्यलाई अर्घ दिइदैं

सेतोपत्र डेस्क आइतबार, मंसिर ३, २०८०

झापा, मंसिर ३ । श्रद्धा, निष्ठा र लोकआस्थाको पर्व छठको आज मुख्य दिन अस्ताउँदो सुर्यलाई अर्घ दिइदैंछ । सुर्य उपासनाको महान पर्वको रुपमा मनाउने गरिएको छठ पुजाका लागि यतिबेला नदि तथा जलाशयहरु झकिझकाउ पारेर सिगाँरिएको छ । हिजो खरनाको दिन, दिनभरि उपवास बसेर ब्रतालुले सूर्यास्तपछि चन्द्रदर्शन गरेर पछि घरमा शुद्ध गरि तयार गरिएको खीर छठी मातालाई अर्पण गरेर ब्रतालुहरुले समेत खाएर खरनाको विधि सम्पन्न गरेका छन ।

आज ब्रतालुहरु नजिकैको नदि तथा जलाशयमा पुगेर सुर्यको पुजा गरी अस्ताउँदो सुर्यलाई अर्घ दिए पछि आजको बिधि सम्पन्न हुन्छ । केही ब्रतालुहरु आज रातभर नदि तथा जलाशयमा नै बसेर भोलि बिहान उदाउँदो सुर्यलाई अर्घ दिने गर्दछन भने अधिकाशं भोलि बिहानै नदिमा पुगि उदाउँदो सुर्यलाई अर्घ दिने गर्दछन । पहिलो दिन अरबा अरबाईन खाने, दोस्रो दिन नहाय, खाहाय, तेस्रो दिन खरना, चौथो दिन अस्ताउँदो सुर्यलाई अर्घ दिने र पाँचौ दिन उदाउँदो सुर्यलाई अर्घ दिए पछि छठ पुजा सम्पन्न हुनेछ ।

यसैबिच झापाको निन्दा नदिमा हुने छठ पुजाको सम्पूर्ण तयारी पुरा भएको धुलाबारी छठ पुजा समितिले जनाएको छ । समितिले हिजो पत्रकार सम्मेलनमार्फत पुजाको सबै तयारी पुरा भएको बताएको हो । निन्दा नदिमा हुने छठ पुजामा पटका नपड्काउन पनि समितिले सबैलाई आग्रह गरेको छ । निन्दासंगै झापाका मेची, अदुवा, कन्काई माई, बिरिङ लगायतका नदिहरुमा छठ पुजाको भव्य तयारी गरिएको छ ।

प्रकाशित मिति: आइतबार, मंसिर ३, २०८० ०७:२५

प्रतिक्रिया दिनुहोस्