अन्जन झापाको मार्की खेलाडी

खेलकुद

गृहपृष्ठ
खेलकुद

अन्जन झापाको मार्की खेलाडी

सेतोपत्र डेस्क शुक्रबार, असोज १२, २०८०

झापा,असोज १२ । झापा एफसीले नेपाली राष्ट्रिय फुटबल टोलीका महत्वपूर्ण फरवार्ड अञ्जन विष्ट लाई मार्की खेलाडीको रूपमा टोलीमा भित्र्याएको छ ।

दोस्रो संस्करणको नेपाल सुपर लिग (एनएसएल)का लागि मार्की खेलाडीको रुपमा अन्जनलाई अनुबन्ध गरेको झापा एफ.सी.ले आफ्नो सामाजिक सञ्जाल मार्फत जानकारी गराएको हो ।

राष्ट्रिय फुटबल टोलीका महत्वपूर्ण सदस्य अन्जनले नेपालका लागि १२ गोल गरि सक्नुभएको छ । अन्जनले भर्खरै सम्पन्न सहिद स्मारक ए डिभिजन लिगमा चर्च ब्वाइज युनाइटेडलाई च्याम्पियन बनाउन टोलीको तर्फबाट सर्वाधिक गोल समेत गर्नुभएको थियो । बिष्ट लिगको पहिलो संस्करणमा बेष्ट फरवार्ड चुनिएका खेलाडी हुनुहुन्छ ।

झापामा आबद्ध भएपछि बिष्टले झापा एफसीको नेपाली फुटबल विकासको भिजन मन परेको प्रतिक्रृया दिनुभएको छ । राम्रो टोलीमा सामेल भएर नयाँ यात्रा सुरु गर्न पाँउदा रोमाञ्चित भएको भन्दै बिष्टले झापा एफसिलाई च्याम्पियन बनाउन आफ्नो क्षमताले भ्याएसम्म सबै कुरामा योगदान पुर्याउने प्रतिबद्धता जनाउनुभएको छ ।

नेपाल सुपर लिगको दोस्रो संस्करण मंसिर ८ देखि काठमाडौंमा सुरु हुँदैछ। यस सिजनमा पहिले संस्करणका ६ र ३ नयाँ गरि कुल ९ टोलीले प्रतिस्पर्धा गर्दैछन् ।

प्रकाशित मिति: शुक्रबार, असोज १२, २०८० १२:१७

प्रतिक्रिया दिनुहोस्