१ सय २६ परिवारलाई मानविय संकट सहयोग

स्थानीय

गृहपृष्ठ
स्थानीय

१ सय २६ परिवारलाई मानविय संकट सहयोग

सेतोपत्र डेस्क बिहीबार, साउन ३२, २०८०

झापा ,साउन ३२ । महिला जनचेतना केन्द्र मेचीनगरले मानविय संकट सहयोग कार्यक्रम अन्र्तगत बिभिन्न पालिकाका १ सय २६ घर परिवारलाई सहयोग सामाग्री वितरण गरेको छ ।

मेचीनगर नगरपालिका,बाह्रदशी गाँउपलिका तथा कचनकवल गाँउपालिकाका विपन्न परिवारलाई अहिलेको मौसममा आवश्यक पर्ने सामाग्रीहरु पानीको फिल्टर,छाता,झुल र टर्च लगायतका सामाग्री वितरण गरिएको हो ।

सस्थाले साउन ९ गते मेचीनगरको वडा नं.६मा १६ जनालाई १÷१ थान झुल, छाता, स्टिल पानी फिल्टर र टर्च लाइट बितरण गरेको थियो । त्यस्तै साउन ११ मा वडा नं.४, बाहुनडाँगीमा २० जनालाई र साउन १४ गते मेचीनगरको वडा नं.७ मा ३० जनालाइ मानविय संकट सहयोग सामाग्री वितरण गरिएको संस्थाकि अध्यक्ष सिता गुरुङले जानकारी दिनुभयो । त्यस्तै बाह्रदशी गाँउपालिकामा साउन १२ गते ३० जनालाई तथा साउन २५ गते कचनकवल गाँउपालिकामा पनि ३० जनालाई मानविय संकट सहयोग सामाग्री वितरण गरिएको अध्यक्ष गुरुङले बताउनुभयो । सोही दिन संस्थाले कचनकवलकै सर्पदशं केन्द्रलाई ५० हजार रुपैया बराबरको सकसन मेसिन र औषधीहरु पनि हस्तान्तरण गरिएको संस्थाकी प्रवन्ध निद्रेशक राधा प्रधानले जानकारी दिनुभयो ।

टेवा नेपालको आर्थिक सहयोगमा महिला जनचेतना केन्द्र मेचीनगरले मानविय संकट सहयोग कार्यक्रम सञ्चालन गरेको हो । विपन्न परिवारको पहिचान गर्न वडा कार्यलयहरुले समन्वय गरेका थिए ।

प्रकाशित मिति: बिहीबार, साउन ३२, २०८० १२:३८