जिल्ला सदस्य मनाेनयन विधान विपरित भन्दै अधिकारीद्वारा जिल्ला समितिलाई विधान हस्तान्तरण

स्थानीय

गृहपृष्ठ
स्थानीय

जिल्ला सदस्य मनाेनयन विधान विपरित भन्दै अधिकारीद्वारा जिल्ला समितिलाई विधान हस्तान्तरण

सेतोपत्र डेस्क शनिबार, जेठ ६, २०८०

झापा, जेठ ६ । नेपाली कांग्रेस झापा जिल्ला समितिले विधान विपरित जिल्ला सदस्य मनोनित गरेको भन्दै त्यसको विरोध स्वरुप कांग्रेसका युवा नेता रूपसागर अधिकारीले जिल्ला समितिलाई नेपाली कांग्रेसको विधान हस्तान्तरण गर्नु भएकाे छ ।

काँग्रेस प्रदेश अधिवेशन प्रतिनिधि समेत रहनु भएका अधिकारीले पार्टीकाे विधान अध्ययन गरेर काम गर्न भन्दै झापा क्षेत्र १ `क´ का सभापति हरी बुढाथोकीमार्फत जिल्ला समितिलाई विधान बुझाएकाे बताउनु भयाे ।

विधान विपरित जिल्ला सदस्य मनोनयन गरिएकाले विरोध स्वरुप विधान हस्तान्तरण गरेकाे अधिकारीले बताउनु भयाे ।

उहाँले जिल्ला सदस्य चिन्न गाह्रो हुने भन्दै जिल्ला सदस्यको पहिचानका लागि कार्ड नै लगाएर हिँड्नुपर्ने अवस्था आउने भन्दै १८ थान कार्ड होल्डर समेत प्रदान गरेको बताउनुभयाे ।

काँग्रेस झापाले एक साता अघि ८९ जिल्ला सदस्य मनाेनित गरेकाे थियाे ।

प्रकाशित मिति: शनिबार, जेठ ६, २०८० ०८:३५