मेचीनगर, फागुन १ । न्यू स्टार फुटबल क्लब, खोपवाडी मेचीनगरमा जारी नकआउट फुटबल प्रतियोगिताको अघिल्लो चरणमा प्रवेश गरेको छ । सोमबार भएको खेलमा शनिश्चरे फुटबल क्लबलाई ३-२ गोलअन्तरले हराउँदै न्यू स्टार अघिल्लो चरणमा प्रवेश गरेको हो ।
अत्यन्तै प्रतिस्पर्धात्मक बनेको खेलको ३८ औँ मिनेटमा पहिलो गोल गर्दै शनिश्चरेका पेम्बा तामाङले टिमलाई अग्रता दिलाएका थिए । तर ५० औँ मिनेटमा न्यू स्टारका तर्फबाट जर्सी नं ३ का विशाल लिम्बुले गोल गर्दै खेललाई बराबरी बनाए ।
न्यू स्टारका क्याप्टेन समेत रहेका उनको गोल मार्फत खेल बराबरी बनेको थियो । तर ५६ औँ मिनेटमा शनिश्चरेले पुन १ गोल गर्यो । शनिश्चरेका विशाल खवासले ५६ औँ मिनेटमा गोल गर्दै टिमलाई अगाडी बढाए ।
तर शनिश्चरेको अग्रता धेरैबेर टिक्न सकेन । ५६ औँ मिनेटमै न्यू स्टारका दिपेश श्रेष्ठले गरेको गोल मार्फत खेल २-२ को बराबरीमा पुग्यो ।
यसरी अत्यन्तै रोमाञ्चक बनेको खेलमा निर्णायक गोल भने न्यू स्टार, खोपवाडीका तर्फबाट सानुका साँवा लिम्बुले ७० औँ मिनेटमा गर्न सफल भए । उनको गोल नै न्यू स्टारलाई बिजेता बनाउन सफल बन्यो ।
यसरी न्यू स्टार फुटबल क्लब नवज्योति फुटबल कपको अघिल्लो चरणमा प्रवेश गरेको छ । सोमबारको खेलको म्यान अफ द म्याच बिजेता टिमका क्याप्टेन समेत रहेका विशाल लिम्बु घोषित भएका छन् ।
प्रतियोगिता अन्तर्गत मंगलबारको खेलमा रोलिङ्ग क्लब धुलाबारी र ब्रदर्श युनाइटेड चन्द्रगढी आमने सामने हुदैँछन् ।
