समाधानमूखी राजनिति गर्छौंः विवेकशिल साझाकी अध्यक्ष बाँस्कोटा

राजनिति

गृहपृष्ठ
राजनिति

समाधानमूखी राजनिति गर्छौंः विवेकशिल साझाकी अध्यक्ष बाँस्कोटा

सेतोपत्र डेस्क आइतबार, माघ २९, २०७९

झापा, माघ २९ । विवेकशील साझा पार्टीको अध्यक्ष समीक्षा बाँस्कोटाले अब समाधानमूखी राजनिति गर्ने बताउनु भएको छ । पार्टीको पहिलो महाधिवेशनबाट सर्बसम्मत अध्यक्ष चयन भए पछि सेतोपत्रलाई प्रतिक्रिया दिंदै बाँस्कोटाले भन्नुभयो, ‘अहिलेसम्म राजनितिक दलहरुले समस्यामात्रै निकालेर राजनिति गरे, विवेकशिलले समाधानमूखी राजनितिको नेतृत्व गर्छ ।’

विवेकशील साझा पार्टीको हिजो सम्पन्न पहिलो महाधिवेशनबाट समिक्षा सर्वसम्मत अध्यक्षमा निर्वाचित हुनु भएको हो । काठमाडौंको कमलादीस्थित प्रज्ञा भवनमा भएको उक्त पार्टीको महाधिवेशनले बाँस्कोटालाई अध्यक्ष र रञ्जु दर्शनालाई महासचिवमा सर्वसम्मत चयन गरेको हो ।

गत जेठमा तत्कालीन अध्यक्ष रवीन्द्र मिश्रले राजीनामा दिएपछि केन्द्रीय समितिबाट अध्यक्षको भूमिका पाउनु भएको बाँस्कोटाले पार्टीको पहिलो महाधिवेशन गराएर पुन नेतृत्वमा आउनु भएको हो । विवेकशील साझाको अभियानमा सुरुवातदेखि नै जोडिएकी वहाँ कानुनमा स्नात्तकोत्तर हुनुहुन्छ । ३८ वर्षीया बाँस्कोटा अधिवक्ता समेत हुनुहुन्छ ।

महाधिवेशनले पार्टीको उपाध्यक्षमा प्रकाशचन्द्र परियार, विमला अधिकारी र मिलन पाण्डेलाई सर्वसम्मत चयन गरेको छ । सचिवमा पवित्रा थापा, विमल तामाङ र समुन्द्र केसी चयन भएका छन्। यस्तै, कोषाध्यक्षमा दामोदर नेपाल सर्वसम्मत चयन भए ।
विवेकशील साझाको केन्द्रीय कार्यसमिति ५१ सदस्यीय रहने र १७ सदस्यीय सचिवालय समिति रहने अध्यक्ष बाँस्कोटाले रेडियो मन्त्रलाई बताउनु भयो ।

प्रकाशित मिति: आइतबार, माघ २९, २०७९ ०६:५७

प्रतिक्रिया दिनुहोस्