समानुपातिकमा काँग्रेसले झापाबाट १० जनालाई बनायो उम्मेद्वार

राजनिति

गृहपृष्ठ
राजनिति

समानुपातिकमा काँग्रेसले झापाबाट १० जनालाई बनायो उम्मेद्वार

सेतोपत्र डेस्क सोमबार, असोज १७, २०७९

झापा, असोज १७ । मंसिर ४ गते हुने प्रदेश तथा प्रतिनिधि सभा सदस्यको निर्वाचनका लागि नेपाली काँग्रेसले निर्वाचन आयोगलाई बुझाएको समानुपातिक तर्फको अन्तिम बन्द सूचीमा झापाबाट १० जनाको समावेश भएको काँग्रेसस्रोतले जनाएको छ ।
काँग्रेसले झापाबाट प्रतिनिधि सभामा ४ जना र प्रदेश सभामा ६ जनालाई समानुपातिक तर्फकोे उम्मेद्वार बनाएको छ । काँग्रेसस्रोतका अनुसार प्रतिनिधि सभा तर्फ झापाबाट सरिता प्रसाई (बुद्धशान्ति), टेकबहादुर लिम्बु (मेचीनगर), हरेकृष्ण घोष(भद्रपुर) र अइन्द्र केरुङ (दमक) लाई समानुपातिकको उम्मेद्वार बनाएको छ ।

प्रतिनिधि सभाको समानुपातिक उम्मेद्वार प्रसाई यस अघि कृषी राज्य मन्त्री भइसक्नु भएकी नेता हुनुहुन्छ । मेचीनगरका लिम्बु मेचीनगरका पुर्व जनप्रतिनिधि हुनुहुन्छ । विद्यार्थी राजनितिबाट उदाएका नेता हुन केरुङ । घोष भद्रपुर क्षेत्रका स्थापित नेता हुनुहुन्छ ।

त्यसैगरी प्रदेश सभा तर्फ उद्धब थापा(अर्जुनधारा), बालाजित राई (मेचीनगर), मोहन महर्जन (भद्रपुर),कालू मेचे (मेचीनगर) पम्फा विश्वकर्मा (अर्जुनधारा) र लखी गणेश (झापा गापा) लाई काँग्रेसले समानुपातिक उम्मेद्वार बनाएको छ ।

थापा काँग्रेस प्रदेश सभापति हुनुहुन्छ भने राई मेचीनगरका प्रभावशाली युवा नेता तथा महाधिवेशन प्रतिनिधि हुनुहुन्छ । महर्जन काँग्रेसका भद्रपुरका पुर्व सभापति तथा मेची बहुमुख क्याम्पसका पुर्व स्ववियु सभापति हुनुहुन्छ भने गणेश झापाकी प्रभावशाली महिला नेताका रुपमा स्थापित हुनुहुन्छ । समानुपातिक उम्मेद्वार कालु मेचे स्थापित नेता तथा मेचे समुदायका अगुवा हुनुहुन्छ । दलित समुदायको प्रतिनिधित्व झापाबाट पम्फा विश्वकर्माले गर्नुहुनेछ ।

प्रकाशित मिति: सोमबार, असोज १७, २०७९ १८:२३