तीब्र फैलिन थाल्याे काेराेना, आज ४५७ जना संक्रमित

स्वास्थ्य

गृहपृष्ठ
स्वास्थ्य

तीब्र फैलिन थाल्याे काेराेना, आज ४५७ जना संक्रमित

सेतोपत्र डेस्क सोमबार, साउन २, २०७९

झापा, साउन २ । नेपालमा पछिल्लाे समय काेराेनाकाे संक्रमण तीब्र रूपमा फैलिन थालेकाे छ । पछिल्लो २४ घण्टामा नेपालमा ४५७ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयले सार्वजनिक गरेको तथ्यांक अनुसार ४ हजार ६ सय ५१ जनाको कोभिड परीक्षण गर्दा ४५७ जनामा संक्रमण पुष्टि भएको हो ।

मन्त्रालयका अनुसार २३ सय ४१ को पिसीआर र २३ सय १० जनाको एन्टीजेन परीक्षण गरिएको थियो । पिसीआर परीक्षणबाट तीन सय ८६ र एन्टीजेन परीक्षणबाट ७१ जनामा संक्रमण पुष्टि भएकाे हाे ।

यसैबीच कोभिड संक्रमणका कारण एक जनाको ज्यान पनि गएको छ । हाल नेपालमा १७ सय ७६ जना संक्रिय कोरोना संक्रमित रहेको मन्त्रालयको जनाएको छ।

प्रकाशित मिति: सोमबार, साउन २, २०७९ १७:०४