मौन अवधि सुरु, मतदान केन्द्रमा कर्मचारी पुगे

देश

गृहपृष्ठ
देश

मौन अवधि सुरु, मतदान केन्द्रमा कर्मचारी पुगे

सेतोपत्र डेस्क बुधबार, वैशाख २८, २०७९

झापा, बैशाख २८ । दुई पछि हुने मतदानका लागि गएरातिदेखि मौन अवधि सुरु भएको छ । स्थानीय तह निर्वाचनमा सहभागी राजनीतिक दल, उम्मेदवार र तिनका समर्थनले प्रचारप्रसार गर्न पाउँदैनन् भने सो अवधिको अनुगमन कार्यलाई निर्वाचन आयोगले प्रभावकारी बताएको छ ।

निर्वाचन आचारसंहिता, २०७८ बमोजिम मौन अवधिमा कुनै माध्यमबाट निर्वाचन प्रचारप्रसार गर्न तथा मतदातालाई प्रभाव पार्ने किसिमका कुनै पनि गतिविधि गर्न नपाइने हुँदा सो अवधिमा उम्मेदवार, दलका कार्यकर्ता तथा सम्बन्धित व्यक्तिको सम्बन्धमा निगरानी राखी त्यस्तो गतिविधि हुन नदिने तथा मतदानको दिन मतदातालाई सुरक्षित रूपमा मतदान केन्द्रसम्म पुग्न र मतदान केन्द्रबाट फर्किन सक्ने वातावरण निर्माण गर्न आयोगले आज आह्वान गरेको छ।

सो अवधिमा मतदातालाई कुनै पनि प्रकारको अवरोध हुन नदिन आवश्यक व्यवस्था मिलाउन मुख्य निर्वाचन अधिकृत, निर्वाचन अधिकृत तथा सबै स्थानीय प्रशासनलाई आयोगले निर्देशनसमेत दिएको छ।

यसैबिच मतदान केन्द्रमा निर्वाचनको तयारी सुरु भएको छ । मतदान केन्द्रहरुमा मतदान गराउने कर्मचारी र सुरक्षाकर्मीहरु पुगिसकेका छन । मतदान केन्द्र निर्माण र मतदाता परिचय पत्र वितरणको काम बुधबार र बिहिबार गरिने भएकाले मतदान अधिकृत र अन्य कर्मचारी सम्बन्धीत मतदान केन्द्रमा पुगिसकेका छन ।

प्रकाशित मिति: बुधबार, वैशाख २८, २०७९ ०७:०३

प्रतिक्रिया दिनुहोस्