बिरगञ्ज, फागुन २८ । नेपाल घरेलु तथा साना उद्योग महासंघको अध्यक्षमा उमेश प्रसाद सिंह चयन हुनु भएको छ । महासंघको उपाध्यक्षमा महिला उद्यमी शान्ता बाँस्कोटा कोइराला चयन हुनु भएको हो ।
बिरगञ्जमा शुक्रबार सम्पन्न महासंघको २५ औ राष्ट्रिय महाधिवेशनले अध्यक्षमा सिंह सहित वरिष्ठ उपाध्यक्षमा सूर्य बहादुर कँडेल तथा उपाध्यक्षहरुमा लघु उद्यमतर्फ पूर्ण बहादुर भण्डारी, घरेलु उद्योगतर्फ प्रकाश रावल, साना उद्योगतर्फ चन्दन कृष्ण श्रेष्ठ, अन्तर्राष्ट्रिय सम्बन्ध मुकेश उपाध्याय, महिलातर्फ शोभा गुरुङ, वस्तुगततर्फ मोहन कटुवाल, एसोसिएटतर्फ शान्ता वास्कोटा कोइराला, सहकारीतर्फ सत्य नारायण प्रजापति, कृषितर्फ हरिहर थापा, पर्यटनतर्फ राजेन्द्रमान श्रेष्ठ निर्वाचित हुनुभएको छ ।
महासंघको महासचिवमा डम्बर प्रसाद रेग्मी, कोषाध्यक्षमा अच्यूत पाण्डे, सचिवहरुमा दिपक बहादुर बुढा, सहकारीतर्फ भेषराज पाण्डे, वस्तुगततर्फ महेन्द्र बहादुर चित्रकार, एसोसिएटतर्फ रुद्र प्रसाद न्यौपाने, सहकोषाध्यक्षमा ज्ञान बहादुर खडका तथा ८० जना सदस्यहरु निर्वाचित हुनुभएको छ ।
निर्वाचित भए पछि महासंघका उपाध्यक्षद्वय शान्ता बाँस्कोटा र शोभा गुरुङ ।
यसैगरी महासंघकै केन्द्रिय महिला उद्यमी समितिमा रोशनी उपाध्यायको अध्यक्षतामा नयाँ कार्यसमिति निर्वाचित भएको छ । वरिष्ठ उपाध्यक्षमा रिता अवाल, उपाध्यक्ष उद्यम व्यवसायतर्फ कृष्णा कुमारी पाठक, उपाध्यक्ष संगठनतर्फ तारा आचार्य, महासचिवमा डा। सोनी महतो, कोषाध्यक्षमा मीना तामाङ्ग, सचिवमा दीपा शाक्य तथा १४ जना सदस्य रहनुभएको छ ।
नवनिर्वाचित अध्यक्ष सिंहले महासंघको गरिमालाई उच्च बनाउँदै लघु, घरेलु तथा साना उद्योगीहरुको हक हितमा काम गर्ने बताउनुभयो । महासंघको उपस्थितिलाई देशैभर व्यापक बनाउँदै लैजाने र लघु, घरेलु तथा साना उद्योगीहरुलाई आत्मस्वाभिमानका साथ अगाडि बढ्न सक्ने वातावरण बनाउन लागिपर्ने पनि उहाँले बताउनुभयो ।
पहिलो पटक काठमाण्डौभन्दा बाहिर सम्पन्न भएको फागुन २५ गतेदेखि तीन दिनसम्म चलेको महासंघको साधारण सभाको बिहिबार प्रधानमन्त्री शेरबहादुर देउवाले उदघाटन गर्नु भएको थियो ।
