पुर्वी नेपालमा चिसो बढ्यो, सावधानी अपनाउन चिकित्सकको सुझाव

स्थानीय

गृहपृष्ठ
स्थानीय

पुर्वी नेपालमा चिसो बढ्यो, सावधानी अपनाउन चिकित्सकको सुझाव

सेतोपत्र डेस्क मंगलबार, पुस २०, २०७८

मंगलबार बिहान झापा मेचीनगरको इटाभट्टाको दृष्य ।

झापा, पुष २० । केही दिन यता झापा, मोरङ, इलाम लगायत पुर्वी नेपालमा चिसो ह्वात्तै बढेको छ । बिहानैदेखि बाक्लो हुस्सु लाग्ने र घाम नलाग्ने गरेका कारण पुर्वी नेपालमा चिसो बढेको हो ।

चिसोका कारण आम मानिसको दैनिकी प्रभावित भएको छ । दैनिक ज्याला मजदुरी गरेर जीवन चलाउने श्रमिकहरुलाई चिसोले अत्याधिक प्रभाव पारेको छ ।

चिसो बढेसंगै विभिन्न रोग लाग्न सक्ने भन्दै चिकित्सकहरुले सचेत रहन सुझाव दिएका छन । चिसोका कारण श्वासप्रश्वास सम्बन्धी समस्या आउने, वालवालिकाहरुमा निमोनियाको जोखिम हुने तथा चिसोका कारण झाडापखाला लाग्ने बरिष्ठ फिजिसियन डा पोषणरमण त्रिपाटीले बताउनु भयो ।

वहाँका अनुसार बृद्धबृद्धाहरुमा दम सम्बन्धी रोग लाग्ने, खोकी लगायतका समस्या हुन सक्ने हुन्छ । तातो खानेकुरा खाने, तातो कपडा लगाउने र अनावश्यक घरबाट बाहिर ननिस्कने जस्ता कुरामा सचेत रहनु पर्ने डा त्रिपाठीले बताउनु भयो ।

प्रकाशित मिति: मंगलबार, पुस २०, २०७८ ०९:१०