संघीय प्रहरी अध्यादेश संसदबाट स्वीकृत

देश

गृहपृष्ठ
देश

संघीय प्रहरी अध्यादेश संसदबाट स्वीकृत

सेतोपत्र डेस्क बुधबार, पुस ७, २०७८

काठमाण्डौ, पुष ७ । संघीय प्रहरी अध्यादेश संसदबाट स्वीकृत भएको छ । प्रतिनिधिसभाको आज बसेको बैठकमा गृहमन्त्रीका तर्फबाट सञ्चार तथा सूचना प्रविधिमन्त्री ज्ञानेन्द्रबहादुर कार्कीले प्रस्तुत गर्नुभएको सङ्घीय प्रहरीसम्बन्धी अध्यादेश बहुमतबाट स्वीकृत भएको हो । सरकारले अघिल्लो सरकारले संसदमा पेस गरेको सङ्घीय प्रहरी ऐन सम्बन्धी विधेयक फिर्ता लिएर अध्यादेश जारी गरेको थियो ।

सरकारले संसद्मा पेस गरेपछि ‘नेपाल प्रहरी र प्रदेश प्रहरी (कार्य सञ्चालन, सुपरिवेक्षण र समन्वय पहिलो संशोधन),२०७८’, प्रतिनिधिसभाबाट स्वीकृत भएको हो । अध्यादेशमा नेमकिपा सांसद प्रेम सुवालले विरोधको सूचना दर्ता गराउनुभएको थियो । उक्त प्रस्ताव बहुमतबाट अस्वीकृत भएपछि मन्त्री कार्कीले संघीय प्रहरी ऐन सम्बन्धी विधेयक स्वीकृत गरियोस् भन्ने प्रस्ताव प्रस्तुत गर्नुभएको थियो ।

योसँगै सरकारले ६० दिनभित्र प्रतिस्थापन विधेयक संसद्मा पेस गर्नुपर्नेछ । यस्तै, तेजाब तथा अन्य घातक रासायनिक पदार्थ(नियमन) अध्यादेश, २०७८’, ‘समाजिक सुरक्षा (पहिलो संशोधन) अध्यादेश, २०७८’ र ‘रेल्वे अध्यादेश,२०७८’ स्वीकृत भएको छ ।

प्रकाशित मिति: बुधबार, पुस ७, २०७८ २१:१२

प्रतिक्रिया दिनुहोस्