काँग्रेस पदाधिकारी र सदस्यहरुको मतगणना आजै अपरान्हदेखि सुरु हुने

राजनिति

गृहपृष्ठ
राजनिति

काँग्रेस पदाधिकारी र सदस्यहरुको मतगणना आजै अपरान्हदेखि सुरु हुने

सेतोपत्र डेस्क बुधबार, मंसिर २९, २०७८

काठमाण्डौ, मंसिर २९ । नेपाली काँग्रेसको पदाधिकारी र सदस्यहरुको मतगणना आज अपरान्हदेखि सुरु हुने भएको छ । सभापतिको दोस्रो चरणको मतदानको परिणाम आज बिहान सार्वजनिक गरेको निर्वाचन समितिले पदाधिकारी र सदस्यहरुको मतगणना आज अपरान्हदेखि काँग्रेस केन्द्रिय पार्टी कार्यालय सानेपामा सुरु गर्ने जनाएको छ ।

‘आज मध्यान्न पछि मतगणनाको तयारी गरेका छौं,’ निर्वाचन समितिका संयोजक गोपालकृष्ण घिमिरेले पत्रकारहरुसंग भन्नुभयो, ‘छिट्टै गणना सम्पन्न गर्ने गरी ब्यवस्थापन गर्छौ ।’ काँग्रेसको कार्यसमिति चयनका लागि सोमबार भएको मतदानमा ४ हजार ६८१ जना महाधिवेशन प्रतिनिधिहरुले मतदान गरेका छन ।

यसै अघि सभापतिका लागि दोस्रो चरणमा भएको मतदानको आज बिहान घोषणा गरिएको परिणाम अनुसार शेरबहादुर देउवा बिजयी हुनु भएको छ । सभापतिका अर्का उम्मेद्वार शेखर कोइरालालाई ८७८ मतान्तरले पराजित गर्दै देउवा निर्वाचित हुनु भएको हो ।

काँग्रेसमा एक सभापति, दुई उपसभापति, दुई महामन्त्री, आठ सहमहामन्त्री र ११९ केन्द्रिय सदस्यका लागि निर्वाचन भएको थियो ।

प्रकाशित मिति: बुधबार, मंसिर २९, २०७८ ०८:४३