सभापतिका उम्मेद्वार रिमालको ११ बुंदे प्रतिबद्धता

राजनिति

गृहपृष्ठ
राजनिति

सभापतिका उम्मेद्वार रिमालको ११ बुंदे प्रतिबद्धता

सेतोपत्र डेस्क बिहीबार, असोज ७, २०७८

धुलाबारी, असोज ७ । झापा क्षेत्र नं. १ प्रदेश सभा क्षेत्र ख का नेपाली काँग्रेसका सभापतिका उम्मेद्वार बिष्णुप्रसाद रिमालले ११ बुंदे प्रतिबद्धता पत्र सार्वजनिक गर्नु भएको छ ।

रिमालले बुधबार धुलाबारीमा पत्रकार सम्मेलन मार्फत आफ्नो प्रतिबद्धता पत्र सार्वजनिक गर्नु भएको हो । पत्रकार सम्मेलनमा बोल्दै युवा नेता रिमालले भन्नुभयो, ‘युवा पुस्ता पाटीको नेतृत्व पक्तिमा चाहिन्छ भन्ने कुरा उम्मेद्वार हुँदा देखि नै आभास हुनु जरुरी छ ।’

‘अब मुखले बोलेको भरमा पार्टी चल्दैन’ प्रतिबद्धता पत्र सार्वजनिक गर्दै नेता रिमालले भन्नुभयो, ‘पार्टीको नेतृत्वले के गर्ने हो त्यसको खाका बनाएर मात्रै अघि बढ्न जरुरी छ ।’

पार्टी संगठन सुदृढिकरण, आगामाी आम निर्वाचनमा पार्टीका उम्मेद्वारलाई तीनै तहमा बिजयी बनाउने, स्थानीय संघ संस्थाको नेतृत्वमा पार्टीका सदस्यलाई स्थापित गर्ने, पार्टीको विधानले तोके बमोजिमका समितिहरुलाई क्रियाशिल बनाउने र आम जनसरोकारका बिषयलाई पार्टीको तर्फबाट सशक्त आवाज उठाउने जस्ता बिषय रिमालले आफ्नो प्रतिबद्धता पत्रमा समावेश गर्नु भएको छ ।

झापा मेचीनगर १२ सयरडाँगी निवासी राजनिति शास्त्रमा स्नातकोत्तर गर्नु भएका रिमाल बिगतमा पत्रकारिता क्षेत्रमा समेत क्रियाशिल हुनुहुन्थ्यो । बतमानमा क्षेत्र ख कै सचिबको जिम्मेवारी सम्हाली रहनु भएका युवा नेता रिमाल स्थानीय एउटा निजि बिद्यालयको संस्थापक समेत हुनुहुन्छ ।