कांग्रेस महामन्त्री शशांक कोइरालालाई कोरोना पोजेटीभ

राजनिति

गृहपृष्ठ
राजनिति

कांग्रेस महामन्त्री शशांक कोइरालालाई कोरोना पोजेटीभ

सेतोपत्र डेस्क मंगलबार, भदौ २३, २०७७

कांग्रेसका महामन्त्री शशांक कोइराला ।

काठमाडौं । नेपाली कांग्रेसका महामन्त्री शशांक कोइरालालाई कोभिड १९ संक्रमण भएको छ । संक्रमण पुष्टि भएसँगै घरमै बसेर स्वास्थ्यलाभ गर्नेकी अस्पतालमा बसेर स्वास्थ्यलाभ गर्ने भन्ने परामर्शपछि घरमै बसेर स्वास्थ्यलाभ गर्ने निर्णय भएको उनका सचिवालय सदस्य तथा नीजि सचिव भरत तिवारीले जानकारी दिनु भयो ।

महामन्त्री कोइराला उनकै श्रीमती डा सुपात्राको निगरानीमा स्वास्थ्यलाभ गरिरहेका थिए। कोइरालाको कोरोना पोजेटीभ देखिएसँगै उनको कन्ट्याक्ट ट्रेसिङमा रहेका सबैको स्वाब परिक्षण गरिएको पनि तिवारीले जानकारी दिनु भयो ।

केहि दिनअघी सामान्य ज्वरो आएपछि कोइरालाको स्वाब परिक्षण गरिएको थियो। रिपोर्ट पोजेटीभ आएपनि कोइरालालाई कोरोनाको लक्षणहरु भने नदेखिएको तिवारीले बताए । कोइरालाले पनि मंगलवार साँझ ६ वजेतिर आफूलाई कोरोना पोजेटीभ भएको जानकारी ट्वीट गरेर जानकारी दिनु भयो । वहाँले लेख्नु भएको छ :

आज गरिएकाे परीक्षणका क्रममा म मा काेराेना संक्रमण पुष्टि भएकाे छ । हाल मलाई स्वास्थ्य सम्बन्धी कुनै समस्या देखिएको छैन। चिकित्सकहरुकाे सल्लाह अनुसार हाल म हाेम आइसाेलेसनमा बसेकाे छु। मसंग प्रत्यक्ष सम्पर्कमा आउनुभएका सम्पूर्णमा आवश्यक सजगता अपनाउनुहुन अनुराेध गर्दछु। जय नेपाल

नेपाली कांग्रेसका नेता कार्यकर्ताहरुले वहाँको शिघ्र स्वास्थ्यलाभको कामना गरेका छन्। कांग्रेस सांसद तथा केन्द्रीय सदस्य अभिषेकप्रताप साहले सामाजिक संजालमा वहाँको शिघ्र स्वास्थ्यलाभको कामना गरेका छन्।

प्रकाशित मिति: मंगलबार, भदौ २३, २०७७ १९:००