धुलाबारी, असार ३० । मेचीनगरका कराते खेलसंग सम्बद्ध खेलाडी तथा प्रशिक्षकहरुको धुलाबारीमा आज सम्पन्न भेलाले मेचीनगर सितोरियो कराते संघको कार्यसमिति चयन गरेको छ ।
करातेका बरिष्ठ प्रशिक्षक अर्जुन लम्सालको अध्यक्षतामा ११ सदस्यीय मेचीनगर सितोरियो कराते संघ गठन भएको हो । समितिको उपाध्यक्षमा मन बहादुर धिमाल, सचिवमा बिनोद श्रेष्ठ, सहसचिवमा मुक्तिनाथ काफ्ले र कोषाध्यक्षमा सम्झना सारु मगर चयन हुनु भएको करातेका प्रशिक्षक मिलनराज प्रसाईले सेतोपत्रलाई जानकारी दिनु भयो ।
समितिको सदस्यहरुमा सभ्भु ठाकुर, अभिशेक दवाडी, सन्तोस राई, सुनिल मेचे र राजेन्द्र कार्की रहनु भएको छ । एक जना कार्यसमिति सदस्य काकरभिट्टा क्षेत्रबाट थप गरिने प्रसाईले जानकारी दिनु भयो । नगरसमितिका पदाधिकारी तथा सदस्यहरुलाई नगरको भुगोललाई प्रतिनिधित्व हुने गरी चयन गरिएको बताइएको छ ।
मेचीनगर खेलकुद समितिका सदस्य तथा वडा नं. १० खेलकुद समितिका संयोजक इन्द्र आङदम्बेको बिषेश उपस्थितिमा आज सम्पन्न भेलाले कालु मेचेको संयोजकत्वमा ६ सदस्यीय नगरस्तरिय सल्लाहाकार समिति समेत चयन गरेको छ । समितिको सदस्यहरुमा मिलनराज प्रसाई, कृष्ण बस्नेत, राजु महर्जन, बद्री बिष्ट र बिष्णु श्रेष्ठ रहनु भएको छ ।
नगरस्तरिय कराते संघले मेचीनगर भित्र कराते खेलको प्रबद्र्धन गर्दै खेलसंग सम्बन्धीत खेलाडी, प्रशिक्षक लगायतहरुको संरक्षण र क्षमता बिकासमा काम गर्ने समितिका अध्यक्ष लम्सालले बताउनु भयो ।
