एकता नै पार्टीको जग हो : देउवा

स्थानीय

गृहपृष्ठ
स्थानीय

एकता नै पार्टीको जग हो : देउवा

ज्ञानेन्द्र निरौला बुधबार, चैत २५, २०७७

शहिद आचार्यको शालिक अनावरण पछि सभापति देउवा, नेता सिटौला र प्रबक्ता शर्मा सहित अन्य ।

बुद्धशान्ति, चैत २४ । नेपाली कांग्रेसका सभापति शेरबहादुर देउवाले कांग्रेस एक भए संसारको कुनै तागतले हराउन नसक्ने बताउनु भएको छ । मंगलबार झापाको बुद्धशान्ति ७ सुनमाइमा सहिद यामबहादुर आचार्यको शालिक अनावरण गर्दै सभापति देउवाले पार्टी एकतामा जोड दिनु भएको थियो ।

‘एकता नै पार्टीको जग हो,’ वहाँले भन्नुभयो,‘हामी एक भयौँ भने संसारको कुनै तागतले कांग्रेसलाई हल्लाउन सक्दैन । पार्टी एक भए फेरि चुनाव जित्न सकिने काँग्रेस सभापति देउवाको तर्क छ ।

वहाँले नेपाली कांग्रेसले प्रजातन्त्रको बिरुद्धमा कसैसँग सम्झौता नगर्ने बताउनु भयो । सरकार निर्माणका लागि संसदमा बहुमत संख्या आवश्यक हुने र त्यो संख्या निश्चित भए नेपाली कांग्रेसले सरकार गठनको अगुवाइ गर्ने देउवाले बताउनु भयो ।

कार्यक्रममा नेपाली कांग्रेसका पूर्वमहामन्त्री कृष्णप्रसाद सिटौलाले देश राजनीतिक संकट उन्मुख रहेको र त्यसलाई बचाउने जिम्मा कांग्रेसको भएको बताउनु भयो । कार्यक्रममा कांग्रेस प्रवक्ता विश्वप्रकाश शर्मा र केन्द्रीय सदस्य केशवकुमार बुढाथोकी लगायतले बोलेका थिए ।

नेपाली कांग्रेसका सभापति शेरबहादुर देउवाले शहीद याम आचार्यको शालिक अनावरण गरेका छन ।
नेपाली काँग्रेसका नेता यामबहादुर आचार्यलाई शसस्त्र युद्धको समयमा माओबादीले हत्या गरेका थिए । आचार्यकै घर परिषदमा यामबहादुर आचार्य प्रतिष्ठानले शालीक निर्माण गरेको हो । कार्यक्रम प्रतिष्ठानका अध्यक्ष बिमल आचार्यको सभापतित्वमा सम्पन्न भएको थियो ।

प्रकाशित मिति: बुधबार, चैत २५, २०७७ ०५:१३